周吉佩《中年》封王9個月吸金過百萬，經歷16年低谷有錢盡搵狂接100個Job。
Previous Next

去年4月，周吉佩(吉吉)在《中年好聲音》封王，人氣急升，除出新歌《你是我唯一的》外，仲有份角逐TVB台慶「飛躍進步男藝員」，雖然最終落敗。鹹魚大翻生的吉吉見過鬼怕黑，封王9個月，把握機會不斷接Job，商演及廣告接近100個，進帳7位數。曾經歷16年低谷日子，吉吉要爭取時間搵錢：「做得幾多就做。」採訪：方騫平 攝影：朱偉彥

吉吉默默接job養家，希望老婆早日唔使做。
吉吉默默接job養家，希望老婆早日唔使做。
吉吉形象正面。
吉吉形象正面。
吉吉珍惜機會。
吉吉珍惜機會。
努力養家。
努力養家。
吉吉係暖男老公及爸爸。
吉吉係暖男老公及爸爸。

周吉佩之前推出新歌《你是我唯一的》答謝朋友、家人及「吉s粉」(fans)，更憑歌寄意冧太太黃彥欣。不過，因為太耐冇入錄音室，首天錄音時投入唔到，第二天用老婆做感情投射對象，感激太太陪他走過人生高低。對於短短9個月快賺過百萬，更省靚《中年》招牌。吉吉卻謙稱：「騷量係計埋TVB演出，所以唔係全部都有好多錢嘅。」他笑言其實(收入)可以再好啲，又稱重返樂壇發展好滿意，除咗有得出歌，仲有得跟李佳芯做綜藝節目《日本18種住法》，比預期中演出更多。」

周吉佩苦候15年推出新歌《你是我唯一的》答謝身邊人。
周吉佩苦候15年推出新歌《你是我唯一的》答謝身邊人。
仲有機會同女神李佳芯去日本做綜藝節目《日本18種住法》。
仲有機會同女神李佳芯去日本做綜藝節目《日本18種住法》。
有好多發展機會。
有好多發展機會。
吉吉憑《中年好聲音》人氣急升。
吉吉憑《中年好聲音》人氣急升。
曾志偉好睇重《中年好聲音》同學。
曾志偉好睇重《中年好聲音》同學。
一家4口出席商演活動。
一家4口出席商演活動。
越來越多「吉S粉」支持吉吉。
越來越多「吉S粉」支持吉吉。
吉吉封王的《中年好聲音》奪台慶頒獎禮「最佳綜藝節目」獎。
吉吉封王的《中年好聲音》奪台慶頒獎禮「最佳綜藝節目」獎。
吉吉鹹魚大翻生。
吉吉鹹魚大翻生。

音樂中心佔地千尺

吉吉重申冇真正計算過賺到幾多，酬勞全歸太太揸數：「不過，管家婆太太心裡有數，如果我賺唔到過百萬，都唔敢發到咁大，畀我投資6位數擴充音樂中心，佢咁做都係想我可以搵多啲錢。因為冇人知將來會點？歌唱事業幾時會玩完？挾著過去嘅不安全感，𠵱家做定兩手準備。」吉吉除裝備好自己，珍惜每個演出外，更視教育中心生意為長線投資：「新嘅音樂中心1000呎，較舊舖大咗7至8倍，仲請埋《中年》參加者做星級導師，都算係實現咗一個小小嘅心願，長線係想太太做全職主婦。」

周吉佩投資6位數的「好聲音中心」經已開幕。
周吉佩投資6位數的「好聲音中心」經已開幕。
新嘅音樂中心1000呎。
新嘅音樂中心1000呎。
對比舊音樂中心，𠵱家大咗7-8倍。
對比舊音樂中心，𠵱家大咗7-8倍。
舊中心地方冇咁大，相對支出冇咁大。
舊中心地方冇咁大，相對支出冇咁大。

努力跑數收落雨柴

現時兩公婆拍住上，太太全職打理剛開幕的音樂中心，將來連receptionist都撈埋，吉吉就要配合努力「跑數」，最基本要搵返每月開支及老婆份人工，他承認會有壓力：「計埋供樓及兩個小朋友支出，每月最少要4萬幾，真係有太多開支嘞，以前冇頭家，會傾家蕩產買枝幾萬蚊嘅結他做好音樂，唔理入不敷支，所以窮得有道理；𠵱家有錢都要慳住使唔會用到盡，會好天收埋落雨柴，更唔會先使未來錢。其實由太太管數都好，可以乜都唔理默默做，睇返好多成功人士係由太太管錢。」吉吉自言做人好簡單，唔介意開心窮食三文治：「有時間陪到仔女已好好，有時凌晨回家會被投訴，佢哋唔鍾意我做『明星』，但有時見我被拉住影相，又覺得爸爸有人識都幾得意，我就乘機教育佢哋『爸爸唔係威，只係職業關係有人認識，最重要做好自己，等同做好功課一樣。』」

吉吉食青口放題賀結婚9周年。
吉吉食青口放題賀結婚9周年。
跑到數的吉吉獲太太請食龍蝦伊麵。
跑到數的吉吉獲太太請食龍蝦伊麵。
有時間會多陪子女。
有時間會多陪子女。
享受親子樂。
享受親子樂。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ