港足繼亞運發揮出色後，在今屆亞洲盃一樣帶來驚喜。
香港隊喺亞洲盃表現極之出色，僅負伊朗1球，不敵阿聯酋1:3。不僅係球員滿腔熱血，努力取得嘅成果，更係「安式」逼搶下嘅功勞。
先講防守，由港隊傳統「Low Line Defence」變成主動逼搶已經不易，由前鋒安永佳做第一點，然後逼使對方門將傳向一邊，先設有第一個陷阱，再運用球員嘅能力夾走個波。即使將個波轉到方向，仍然有其他隊友立刻衝前逼走打反擊，成第二個陷阱。但中間抗衡稍為困難，太輕易被人望空轉向。不過安帥其實用短時間改變球員思維同心態，並將佢哋嘅體能大力提升，係教練能力嘅表現。
由於球隊逼搶成功，打好多反擊，所以多咗Transition Play。安達臣將進攻重任交給艾華頓作為Plan A，球隊一逼搶成功嘅時候，先找到右邊進行1 On 1，因為可以見到其他兩個國家嘅左閘同佢係五五波，球員盡量過咗，之後出波或者由佢自己射；Plan B則是交給左邊潘沛軒或孫銘謙，和中間打一兩腳然後出波。Plan A 和Plan B都靠安永佳身高優勢，跣橫或攻門，個波去邊就要靠Philip仔嘅捕位能力進行射波，對阿聯酋嘅入波就係靠佢嘅能力。逼搶並且進行到入波係呢支香港隊真係因難，做得到仲要喺𠵱個大舞台上面，好值得畀啲掌聲教練同埋球員。
安式逼搶可以在兩年內，由一隊穩守突擊變成現代嘅踢法，一定要答謝我哋香港嘅教練安達臣，佢絕對稱得上香港足球之父。Willhappy
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
