周殷廷（Yan）推出新歌《Louder》，為不搞「暗黑兵法」默默耕耘的人發聲。MV繼續由他一手包辦，以簡單一鏡過加燈光效果完成，原來是受歌神張學友啟發。近年出歌量大減的Yan，為努力鑽研導演及編劇技巧，正籌拍3部電影，其中2部更會擔演，但強調會與音樂雙線發展。採訪：杜杜
Yan認為《Louder》是出道以來最能代表心聲的作品，「以往愛情歌多啲，今次係講對世界嘅睇法。」他希望歌曲能為一班默默耕耘的人發聲，「『暗黑兵法』幫到一個人成功，但係咪代表努力做嘢完全冇用？好想幫呢啲人，可以更大聲。」他又笑言也想靠「暗黑兵法」上位，可惜做唔到，「最簡單就係上床囉！的確有呢樣嘢存在，唔可以否定佢嘅成功率，唔係話錯，每個人價值觀唔同，我就做唔到嘞！」
多謝學友肯信任
Yan執導《Louder》MV延續《意外現場》、《My Everything》拍法，以簡單一鏡過完成，分別會加大量燈光效果，啟發他的是張學友，「幫佢同Gin Lee拍過《日出時讓街燈安睡》MV後，佢有兩個MV搵我幫手，問佢想點拍？佢就話『好簡單乜都唔使要，畀我夾口型就得』，嗰時我唔明，既然有畫面輔助點解唔用？但佢開巡唱擱置咗啲MV，我就嘗試自己啲歌咁拍，𠵱家就明，應該睇藝人點樣表現，目光擺喺藝人。」他又大讚拍《日出時》感受到學友提攜後輩的心，「有個動作我叫佢放鬆啲，全場望住我，好驚我夠膽改佢動作，我就拍晒兩個演法畀學友哥睇，解釋晒所有嘢，嗰take後佢冇再睇mon，畀咗信任同尊重我，一個咁勁嘅人，可以霸權，但有胸襟畀個新人去嘗試。」
一直恨製作電影的Yan，以興奮又期待心情宣佈，將開拍3部由他自編自導的電影，「最先拍應該係動作片，一部英雄片，自己都有份演，另外一部懸疑片就純做編劇同導演，𠵱家開心指數係爆晒錶，但會照出歌，兩樣都係我鍾意做嘅嘢。」
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
