《TWINS SPIRIT演唱會》眨眼完成第三場演出，昨日天氣雖然凍到得幾度，但無減觀眾熱情，觀眾幾乎全晚企晒起身又唱又跳，二人在台上也答謝大家：「你哋嘅熱情喺咁凍天氣下，畀到我哋全晚力量！好勁呀！」
唱出《相愛22年》前，二人更互訴心聲，阿Sa跟阿嬌說：「親愛嘅鍾欣潼女士，多謝你22年來成為我拍檔！我人生最大成就，就係同你成為組合！呢個江山係我哋打番嚟！而無論開心或低潮你都對我不離不棄，陪住我，出面好多人覺得我好醒，其實唔係㗎，我內裏唔係一個非常自信嘅人，好多時你同我一齊，我多咗好多力量，多謝你呀鍾欣嬌。」
而阿嬌則回話：「認識你22年，我真係冇諗過我哋可以走咁遠，開始個陣，出面好多質疑嘅聲音，話我哋好快就冇，但係我哋喺逆景更齊心，更同心對抗出面，多謝你冇放棄我，我亦冇放棄自己。」阿Sa聽畢，亦被感動回話：「你係我認識人裏面，個樣最柔弱，內心最堅強嘅人，好多謝你冇放棄自己。」兩人繼而擁抱，不少歌迷也聽到眼濕濕。
順利完成3晚演出，今天Twins終於可以休息一日，25號再開騷，二人異口同聲說：「三場終於完成，可以放假。好想食宵夜，好餓。」休息日會做咩？兩個都話：「跳足3晚，按摩，要按摩呀！哈哈。」
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
