【亞洲盃】南韓在亞洲盃F組最後一戰，被馬來西亞補時15分鐘迫和3:3，成為小組第2，無需在16強對戰日本。賽後網民紛紛議論，指南韓刻意走線，唔做小組首名，領隊奇連士文賽後否認有意走線，仲話其實想爭取首名晉級。
南韓補時藉孫興民射入12碼，一度領先3：2，如果維持這個紀錄完場，便會成為小組首名，16強對日本，提前上演球迷心目中的冠軍戲碼。但在補時15分鐘被馬來西亞扳平，成為小組次名後，同組巴林首名晉級，16強便要對日本。網民指奇連士文作為德國名將，當然精通走線之道，更有網民po圖，指奇連士文領先3:2時冇厘表情，被追和3:3後反而面露笑容，真係信不信由你。
賽後記者會亦紛紛追問這個問題，「奇哥」當然矢口否認 : 「我們沒有想過會失3球，不是想走線避開日本，南韓一直希望首名出線。」奇連士文讚揚對手馬來西亞，特別是防守頑強。馬來西亞雖然只得1分，小組包尾，但今仗能夠同南韓拉成均勢，而且入到3球，實在難能可貴。
「奇哥」誓神劈願冇走線
Kim Sir金判坤：馬來西亞不再魚腩
馬來西亞領隊是南韓的金判坤，這位前港隊主帥，在香港任教時亦全面提升港足水準，不少香港球迷仍非常愛戴Kim Sir，今次又能為帶領馬來西亞踢出新面貌，攻入南韓3球，真心值得尊敬。
Kim Sir賽後表示：「這場比賽，馬來西亞得到無與倫比的戰果，多謝所有球員及球會的支持，非常感激，恭喜所有球員。」他最後強調，馬來西亞輸0:5、0:6的日子已經過去。
今仗做南韓，又可以現場睇巨星孫興民，佢亦射入一個12碼。賽後記者會上，老孫亦話今仗好難踢，馬來西亞值得尊重，在無機會晉級情況下，仍然戰鬥到底。
亞洲盃戰雲密布，《猜波台》增設了「放工睇 亞洲盃」的節目，在部分精選賽事進行直播，與球迷傾波經。想了解最新資訊，請立即掃瞄QR Code進入《猜波台》頻道：https://www.youtube.com/channel/UCzbQyqpgmd99vcNs3AaMK7A
吳家祺卡塔爾直擊
-----
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
