去年開始香港開始逐步復常，不過對於本地各行各業又帶來另一個挑戰，即使做街坊生意及供貨予本地知名酒家的龍躉大王吳伯恩，都坦言現時生意正出現小危機，都未想好該如果變陣。
吳伯恩表示，過去疫情幾年，有部份行業會受到很大衝擊，但是他們都幸運地都避過了，「因為好多人返屋企煮飯食，被逼返去聚餐，所以嗰段時間生意都幾理想。」以為通關後生意將更上一層樓，但市況卻不似預期，「通關後，我先感覺到個危機，因為見到生意一直走下坡，一到星期五，街市開始好靜，啲食肆以前五六日爆晒棚好好生意，宜家唔穩定架，一時靜到你唔信，宜家全部上晒去大陸消費，搞到香港好靜，我都未諗到點變陣。」
生意額大跌四成
現在生意額較高峰期下跌四成，吳伯恩坦言現在生意正出現小危機， 「我有一半貨係交上酒樓，但酒樓影響咁嚴重，等於我都影響。每個月都有好大開支， 我一個月至少要賺30萬，包括租呢間舖，月租7.5萬元，仲有水電各樣。 我物業又多，要供樓供舖每個月都供十幾萬！又要交差餉好多雜費要交，開支就變大，真係賺少個崩都頭痕。」
早前港人湧上深圳Costco掃貨
理解港人內地消費因由
對於港人湧上內地消費，他都表示理解，認為香港各行各業請人難，服務質素未必可跟內地一樣好，「我幾個員工同我講，早排過去深圳吃飯，香港叫侍應冇人理你，斟茶遞水你唔使諗！但深圳真係有個專人企喺度睇著你食飯，睇你有咩需要，我員工話都唔好意思，使得幾百蚊有咁好服務，所以你話大家點會唔返去啊？」
所以他認為目前社會勞工問題是一大問題，「我都好想唔好咁辛苦，輕鬆少少，點解我要親自落手落腳做啊？根本我請完人，幫佢買完勞保、供強積金，到下個月頭又唔見人了，經常都出現呢個問題，最後都冇心機請啦，全部一家大細一起做算。」
認為市況不至於沙士時期差
很多人會以2003年沙士時期對比目前市況，見盡香港多年經濟環境的吳伯恩認為，又不至於這樣悲觀，「又未到03年非典咁差，好過嗰段時間好多，我都分析過，但是都係艱難，做生意一定要求變，要生存嘛！ 」經濟環境多年來一直轉變，做生意除了要求變、求生存，忠於本業、穩打穩札，才可以於風雨飄搖的環境屹立不倒。
相關文章：
福建來港 由打爛仔交變龍躉大王 現持兩舖五間屋 「過億身家濕濕碎啦」
---
【上車驗樓，星島搵專家幫你手！如果你有新盤驗樓、裝修分享，請即Email：[email protected] 】
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
