《TWINS SPIRIT 2024》 昨晚來到第五場，適逢阿嬌(鍾欣潼)農曆生日，有歌迷扮成禮物大叫祝她生日快樂，阿嬌笑道，「嘩，你唔係送你俾我呀？我唔要得唔得呀？我唔知擺係邊呀.....我唔識點養你....」引得全場狂笑，阿SA笑完後就叫全場萬人大合唱中文版生日歌祝賀生日，氣氛歡樂高脹。之後兩人再定神，準備唱《相愛22年》，阿SA說，「22 年前真係想像不到，呢個係我哋嘅將來.....」嬌 : 「第一個演唱會後，都唔知重有冇得再開.....」SA:「神奇嘅地方係，我地細個咩都唔識，由也也烏好開心開始，之後感受到好多人情冷暖， 開始自己識思考， 慢慢有幾年，真係好似笑少咗， 但係好慶幸，我哋真係好努力到走過咗呢啲階段。」然後兩人感動相擁，不過因為太激動太開心，竟然撞向對方臉上，兩人即時大笑。
繼而兩人向歌迷道謝，:「當然有一個元素係好重要，就係你哋！如果唔係你哋呢 22 年，一路係我哋背後支撐我哋，我哋真係唔會行咁多，多謝你哋咁多年來嘅包容，多謝你地嘅愛。」起歌之後，兩人也是喊著唱，阿嬌更哭到缺堤，淚流滿面， 而阿SA則眨著淚，不停強忍淚水，免得唱不下去。現場不少歌迷都跟著他們大合唱，並且邊唱邊落淚。
由於是阿嬌生日，昨晚阿SA就特別讓觀眾點歌，多唱一首，現場投票，最後是《士多啤梨蘋果橙》，兩人問現場觀眾借來電話睇歌詞，料不到阿SA借來的手機，唱兩句後，電話響，她情急大叫，「哎也，你Daddy 打俾你，死啦，點算....」而阿嬌就安慰她，「唔好亂，唱埋先」笑爆全場。
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
