1995年亞洲小姐冠軍楊恭如近年減產，間中才拍攝節目或客串劇集。楊恭如久未於香港現身，難免跟她當年被爆介入上海富商周正毅婚姻影響形象一事有關。近日楊恭如的前經理人兼電影人文雋於YouTube頻道指楊恭如被緋聞所累，又重提當年楊恭如在街頭被掌摑事件。
相關閱讀：楊恭如加入直播帶貨撞樣吳婉芳 48歲凍齡有術皮膚白滑臉上零皺紋
文雋重提楊恭如戀愛黑歷史？
楊恭如2002年捲入與上海富商周正毅的三角戀，更被指於半山豪宅同居。而同年10月，楊恭如在銅鑼灣利園商場地庫的著名意大利餐廳COVA，疑被周正毅太太毛玉萍公開掌摑，據指當時一名女子在街頭高聲質問又毆打楊恭如：「你做乜搞我老公！」，之後楊恭如媽媽趕到現場，更用上海話對媽媽說：「佢又搵人嚟打我」，不但引來40多名途人圍觀，事件更轟動全港。
文雋揭周正毅曾承諾離婚？
文雋於YouTube片中分享，當時曾問及楊恭如媽媽，有關楊恭如與周正毅的緋聞真假，文雋更稱楊恭如為人單純：「覺得有個人好鍾意佢、追求佢，雖然佢有家室。嗱！呢個我聽返嚟，但係個男人曾經承諾過『我會離婚』，或者有不治之症，呢啲我哋寫戀愛劇都係咁，總之令呢個傻妹信到貼貼服服，佢阿媽就好焦急，不過我覺得所有不該都係呢位周生。」文雋又談及當年楊恭如公然被掌摑：「嗰時佢媽咪打電話畀我，我即刻叫佢（楊恭如）上屋企，呢啲就叫做公關。雖然我同恭如而家冇咗經理人關係，但係我同佢每一年都會見面，去上海有空就會約佢食飯。有一次通電話，佢話想做直播，上個月先做完但係真係唔得。我好疼錫佢，但係佢真係呢件事耽誤咗佢。」
周正毅曾對楊恭如百般寵愛
文雋指當年周正毅對楊恭如非常疼愛，又爆對方的追求招數：「我曾經有一次，同恭如喺內地做完個活動，佢聽到個電話……佢叫我做老竇㗎嘛！佢話『老竇，阿邊個嚟接我』。我問『點接你呀』，佢話『你睇吓，架跑車喺後面跟住我哋架保姆車』。所以有錢人追女仔，手段緊係容易啦，因為要乜有乜。」
重溫8位網民點名超越陳煒的索爆亞姐：
