星8卦｜「可愛」喪多口得罪人 「才子」被連累唔見錢隔離求自保
「可愛」做𡃁妹未紅嗰陣，都已經係麻煩友一名。次次鍾意遲到，做新人都唔檢點，可以行到今日嘅知名度，真係叫執到。有名大家叫，呢個賣點佢一直sell得唔錯，好多宅男都對佢一見鍾情，幻想係自己女朋友，所以咁多年都撈得幾掂。
但自從俾「舞王」拋棄之後，「可愛」對異性好似失去興趣，有好大段時間同女仔玩得好埋，而且脾性有啲固執。到「才子」出現，兩個人郎情妾意咗好一段時間，而且「才子」對佢事業上幫到好多。最重要係「才子」屋企有錢到爆，「可愛」諗過度過係時候要搵歸屬，同啲女仔玩無乜前途。
婚後兩個人不慍不火，「才子」份人無所謂，但最近因為「可愛」死性不改又周圍得罪人，搞到要失蹤一段時間。近期「才子」有大動作，知道老婆要嚟探班，即刻搵工作人員幫手攔住，費事俾人見到又大造文章。因為老婆嘅失言，已經累到自己唔見咗七位數字收入，加埋大環境成日會誅九族，所以要自保都唔怪得佢。最弊一向唔知人情世故嘅「可愛」，仲怪老公唔夠體諒自己，索性去到門口都返轉頭，反而令成班人鬆一口氣！
相關文章：
星8卦｜「妹妹」服侍「叔叔」等分身家 「痴情」未知真相懷疑戴綠帽
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
