今日國際邁亞密（又譯國際邁阿密）對港聯，香港大球場真正人山人海，場面比昨日練習課更加熱鬧。
由於有封路關係，加上有姜濤等球星入場，所以好多球迷都一早入場，並在看台內四處活動。
齋等之時，最好係飲飲食食，各個食品售賣處，都出現長長人龍，生意好到不得了。其實大球場店舖食水都唔算深，漢堡包、魚柳包30蚊有交易，熱狗都係40，仲有冰水送添！
陸永鴻攝
陸永鴻攝
陸永鴻攝
陸永鴻攝
陸永鴻攝
陸永鴻攝
陸永鴻攝
陸永鴻攝
國際邁亞密嘅紀念品，尋日都有介紹過，唔算好多人幫襯，但今日勁多人，長龍唔見尾，想採訪時直情迫到埋櫃位。咁好生意，皆大歡喜。
仲有一個長龍點，就係場內有幾個精美紙版位，供影相打卡，見有唔少係一家人齊齊影，溫馨又開心，以興奮心情迎球王表演賽。
記者：陸永鴻
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
