星8卦｜「假人」繼承遺產 扮有料貼錢買高層位自High
有啲人真係有老細命，好似「假人」出道唔夠兩年就同唔少合作過嘅阿姐阿哥話自己好有錢，身家多過晒佢哋呢班大紅人。但佢喺傳媒面前就鍾意賣慘，成日話單親捱得辛苦，所以大家都覺得佢精神分裂。不過一切都係大話，佢之所以有錢，全靠一班契媽契爺，係，佢係男又得女又得嘅。
講真一個未紅過，又話出身基層嘅人，做咗三幾年藝人就可以行幕後做老闆嘅路，一定係靠背後嘅金主。佢話自己有錢又係新人嘅年代，就靠一位隔離埠嘅契爺，老人家唔知點解見到佢就生滋貓入眼，同一個阿叔都難為佢㗎，不過「假人」嗰陣又經理人陪，兩個人好恩愛，知道要賣至生活到無所謂。
最近佢點解咁大動作？咪又係因為呢幾年有個契媽睇得起佢，要佢做自己嘅男人，喺好開心春風得意嘅時候，竟然得咗絕症。契媽好傷心自己要離開，雖然話有錢買到長命啲，但當知道日子唔多時，決定將8位數字身家送咗畀「假人」，年尾契媽死咗，「假人」覺得自己獲得新生命，即刻出嚟搵嘢做，點解大機構睬佢，係因為佢唔出人工，又可以宣傳吓，連搵嘅人都由「假人」補貼，仲話威半年就夠，高層咪由得佢，何況佢應承帶錢番嚟，咁嘅市道，梗係應承啦！
相關文章：
星8卦｜「可愛」喪多口得罪人 「才子」被連累唔見錢隔離求自保
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
