星8卦｜「武官」對前妻絕情絕義 娶「白雪」無悔甘心用半副身家代還債
講到有情有義，真係唔夠「武官」咁捨身。「白雪」過盡千帆，佢嘅命水係好有叔叔緣，當日同「音佬」嘅買賣都令城中震撼，生完個女收咗7位數之後要錢唔要人，都可以話係經典。
呢邊廂「武官」因為識咗「白雪」，對青梅竹馬捱出嚟嘅髮妻「春天」同樣係決定拋妻棄女，不過就絕情得多，完全唔提供生活費畀前妻，只係供書教學到個女18歲。「春天」喺「武官」無名氣時同佢捱窮，完全唔計較，亦都退出演藝圈滿足「武官」嘅大男人心態，到頭嚟返嚟話同「白雪」更加投緣，完全唔念昔日戀情。
喺「武官」嘅心裏面，原來當年見到「白雪」出嚟就覺得係自己夢中情人，心諗呢個女人做自己老婆就好嘞！結果「武官」真係同「白雪」一齊，仲要孭埋佢一心諗住做女強人所孭落嚟嘅債。呢個世界就係咁冤孽，前妻一蚊都攞唔到，但「武官」就仆街到賠上自己半副身家都甘心命抵。
「白雪」本嚟嫌「武官」娘及老粗，初時諗住借對方名氣過橋，但後嚟見佢咁瞓身，梗係唔敢提出分手，而家仲生咗幾個，夫妻恩愛，患難見真情嘅程度，令人大跌眼鏡！
相關文章：
星8卦｜「後生女」識錯人被威脅 「老竇」痛心求大機構出手幫忙
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
