麥玲玲老公買翻版XXX冧妻？「MK活地亞倫」追女仔靠嚇：睇下乜嘢反應

堪輿學家麥玲玲帶領黃紫恩（Jojo）、蔡景行（行仔）主持的清談節目《玲玲友情報》，逢周三於J2播映。前晚（14 日）主題為「情人節唔係咁樣過」，嘉賓是導演葉念琛。前晚情人節撞正年初五，麥玲玲接受訪問時提到，每逢大節會比閒日還要忙。情人節當日是一班人吃晚飯度過，麥玲玲笑說︰「新年嗰幾日都喺澳門做嘢，情人節嗰日專登返香港，主要係同內地歌手張哲瀚一班朋友聚聚，老公都有一齊。星期五佢喺 Expo會有演唱會。」

麥玲玲公開老公冧妻招數？

前晚（14 日）一集主題是「情人節唔係咁樣過」。

（左起）Jojo、玲玲師傅及行仔。

前晚嘉實是導演葉念琛。

導演葉念琛的電影揭露愛情陰暗面。

行仔於節目中獲葉念琛面授追女仔秘技。

Jojo會直接了當拒絕沒有興趣的男士。

Jojo 認為男士具備錢、口才、自信當中兩樣，追女仔無往而不利。

玲玲師傅爆老公自製錄音帶示愛的往事。

新年期間玲玲師傅忙於澳門工作。（受訪者提供圖片）

玲玲師傅早前與日本女團 Avantgardey 合作。

玲玲師傅好友內地歌手張哲瀚今晚（16 日）會在香港舉行演唱會。

麥玲玲笑言拍拖時期，都有收過老公的花，現在已是「老夫老妻」已不興這一套，麥玲玲笑說︰「情人節晚飯不嬲都係我張羅，你知老公係IT人咪搞啲程式，你一撳手機就彈啲花花心心出嚟。」講到既浪漫又搞笑一次，是多年前老公錄了一餅卡式帶到沙灘聽，麥玲玲笑說︰「啲歌聽落好怪，我仲問佢你買翻版呀，原來係老公自己唱。」麥玲玲自言當場交足戲給老公，表示非常欣賞。

葉念琛教追女秘技

而前晚《玲玲友情報》嘉賓是被封「MK活地亞倫」的導演葉念琛，擅長拍攝愛情陰暗面及互相背叛的電影，道盡男女間的爾虞我詐。他一再提到靚仔溝女未必有著數︰「靚仔唔一定桃花旺，反而佢哋太孤芳自賞。」節目中他受不了行仔盲頭烏蠅的追女仔方式，面授行仔追女秘技︰「你唔好成日問人食咗飯喇，係打唔開話題。你直接send『我愛你』，跟住話『send 錯，不過都係真嘅』。嚇一嚇佢，睇下乜嘢反應，或者佢都等緊你呢。」行仔事後接受訪問時表示未有使用對象，他講笑話︰「或者send『我愛你』畀導演，睇下下次有冇演出機會。」他提到情人節一般都是跟家人一起過，當日各人都外出，他說︰「所以情人節為咗有啲活動，專登出門口一個人食咗個三人炸雞餐，其實都幾正㗎。」此外，Jojo非常認同葉念琛「靚仔唔係大晒」的理論，並列舉三項條件，只要具備當中兩項，追女仔便可以無往而不利︰「其實溝女三樣嘢錢、口才、自信，有兩樣就點都贏。最緊要你唔需要靚仔，你夠自信有口才，夠膽行埋去女仔度，夠狼死啲女仔都肯扤頭。」麥玲玲跟葉念琛均同意女孩子欣賞幽默、搞笑的男朋友多過靚仔有錢。

其他文章：

麥玲玲2024年龍年運程·明星篇｜李嘉欣迎「關口年」易與伴侶離合王浩信夫妻關係不穩？(附十二生肖開運方法)

麥玲玲2024年龍年運程·明星篇｜胡楓易惹官非破財呂麗君有男貴人關照？(附十二生肖開運方法)

麥玲玲公開龍年行運貼士！年三十至年初五禁忌全攻略初四做一事衣食豐足

麥玲玲分享拆利是貼士𢭃到有財福人士利是福澤更佳？

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ