楊千嬅大年初五情人節於澳門舉行兩場《楊千嬅MY TREE OF LIVE世界巡迴演唱會》，兩場也充滿歡樂氣氛，老公丁子高，仔仔，及家人均一同到澳門為她打氣兼一起過新年，沒想到多年沒見的老友許紹雄也到澳門來捧場，昨晚於演唱會上，方麗娟再遇方中SIR, 讓觀眾充滿回憶，當千嬅跟台下的許紹雄打招呼時，觀眾歡呼不斷，而方中SIR亦大方揮手答謝。千嬅於台上不單向方中SIR敬禮，還笑道 :「新年呀！你個女同屋企人都嚟咗呀？等我俾利是佢先啦，佢啱啱結婚呀，我比封利是你哋，祝你哋百年好合永結同心呀，方中SIR就最緊要身體健康。」許紹雄女兒許惠菁收到工作人員即時轉交的利是，十分開心，不停向台上的千嬅多謝。
至於情人節場，千嬅亦於演唱會上搞事，「今日情人節，大家有份愛先會揀今日嚟澳門同我一齊過，不如今日玩個情人節遊戲，邊個拍拖來？或者已經係一對？或者想我幫你手搵男、女朋友？舉手我派利是比你，哈哈。」現場大會錄影機不斷搵甜甜蜜蜜的情人，其中一位歌迷爆笑表示，她旁邊的男觀眾，主動撩她問她是否記得14年前曾有緣一齊通宵排隊買楊千嬅的演唱會飛。而該男歌迷更大方承認，向千嬅喊道，「都係因為你，所以我先記到佢。」千嬅即問他們有冇興趣發展，又向他們派利是，非常搞笑。此外又有歌迷向她派財神汽球，年初五接財神，千嬅收到後都馬上拿起笑道，財神冇理由唔接啦！我放係個台到幫我哋壓場！哈哈。」
騷後千嬅表示，龍年是一個新開始，去年已經走遍大江南北戶外體育場，今年計劃搬進體育館，繼續去很多未去過的地方巡唱，一個本來戶外的騷要升華2.0，無論Rundown及舞台設計，都有調整，經過團隊的努力，成就今次澳門圓滿成功，是非常之多謝及感動。其中新加的巨型木偶裝置配合《木偶奇遇記》一曲，讓觀眾猶如走進一個童話世界，充滿幸福感覺。當她唱完第一場，降下台時見到台底所有同事拍手叫good show，自己更是感動，上下齊心的動力令她很難忘。很久沒見方中sir，千嬅笑道，「benz雄係我另一個爸爸，同佢合作我永遠都好安心，佢係我生命中一個伯樂，比咗好多人生養份我，教咗我好多嘢，今日見到佢一家人坐係度，我識佢個女個陣，佢仲讀緊書，依家都結埋婚，更加戥佢開心啦。所以我都揀咗《好不容易遇見愛》唱，人與人之間的緣份好微妙，每一個好朋友都要好好珍惜。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
