2月23日，大致多雲，有一兩陣微雨，天氣稍涼。Nvidia業績表現強勁，股價破頂，帶動美股氣氛做好，美股隔晚勁升，道指跟標指齊創歷史新高，道指最多升537點，高見39149，收市升456點；標指一度高見5094，收市報5087，升105點；納指升逾3%，曾見16061，逼近歷史高位16080，收報16041點，升460點。反映中概股嘅金龍指數亦升1.4%。
Nvidia股價勁升16.4%，盤後續升曾高見800美元，市值單日增加2770億美元，打破Meta單日市價進帳紀錄。受Nvida帶動，SMC、AMD、ARM等同股份亦急升。Nvidia股價帶動美股創新高，雖然AI概念股泡沫亦愈益引發疑慮，但係Main Street Research投資總監James Demmert直言，有投資者因擔心Nvidia太貴而放棄買入係錯嘅，因為其盈利增長較股價升幅更大，反而令估值降低。
摩通料美國經濟或重演滯脹危機
雖然Nvidai目前市盈率已升至30倍，但其對手AMD市盈率已達43億，同時其PE亦略低於亞馬遜及微軟。不過大摩首席環球市場策略員Marko Kolanovic警告，投資者可能要由憧憬「金髮女孩」經濟情景，轉或跟隨中國步伐，步入滯脹風險。目前美國息口高逹5.2%，各行各業除咗AI行業外，均未見增長動力，2023年美國國家GDP增長率有3.1%，除咗美股上升外，實際上仍有唔少資產是持續下跌，例如商業大廈喺過去一年，跌幅超過兩成，反映美國經濟並不如表面中強勁，的確存在滯脹或通縮風險。
雖然美股創新高，金龍指數亦升逾1%，但夜期跟ADR略見回吐，重返16600水平。A股連升七個交易日，係三年半以嚟最長升浪，上證成功突破100日線，重返去年12月高位。港股則三連升，並以全日高位16742收市，龍年以嚟七個交易日升六日，累積升近千點。
恒指昨日回升至接近100日線約16775點，雖未如上證成功突破，期指及ADR見回吐，但技術走勢已明顯改善，10日線16152升穿50日線16148，出現首個黃金交叉利好訊號，只要守穩此兩線之上，即16150點水平，可持續向上。5日線將上移至約16500點水平，今日低後能收此關，仍會繼續戰100日線16800點及17000點水平。即市支持為16400至16500點，即市阻力為16800點及17000點。
相關文章：
Nvidia市值單日增2770億美元 美股史上之冠 分析稱「就像印鈔機」
---
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁：https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
