李龍基今日（23日）再探未婚妻王青霞（Chris），並於約10:40分離開懲教所，他透露帶來的物品不被批准帶入內，所以要帶走，他又指懲教署職員事後有給他一張紙，上面列明有甚麼可以攜帶，回家會研究。李龍基指未婚妻現時的情況比較好一點：「佢開始接受暫時失去自由嘅情況，當初冇諗過呢個問題嗰陣可能會辛苦啲，我日日去探佢，畀佢信心畀佢力量，我相信會好好多。」
相關閱讀：李龍基帶「延禧攻略」拍紙簿探未婚妻 讓王青霞再畫畫減低憂鬱情況
李龍基爆前妻讚王青霞OK？
李龍基坦言未婚妻被捕後有去黃大仙為對方祈福，更透露以前曾在黃大仙有奇遇，所以頗相信黃大仙：「有朋友幫我求咗個細細個黃大仙放喺架車度，有次我去咗英國，交部車畀我個仔叫我個仔攞去整，撞咗車架車total loss ，但我個仔只係受咗啲傷。」李龍基則指這一次沒有求籤，但相信黃大仙也會保佑，他指未婚妻也有叫他堅強，而他亦叫對方不要想太多，他哽咽說：「受咗呢次教訓，出嚟做一個好人、好太太。」
最擔心王青霞精神問題
至於保釋申請、以及求情信方面等問題，李龍基則表示仍未進行，問到未婚妻對收押所的飲食是否習慣？他指未婚妻飲食方面也很隨便，所以沒有不習慣，不過自己不知道有「私家飯」提供，之後會再去了解，但這些也是很瑣碎的事情，現在最重要的是她精神問題，問到未婚妻有沒有喊？他嘆了一聲說：「不在話下，（同你道歉？）佢成日都講對我唔住，我話唔係嘅，咩事都好，雖然我哋未正式係兩夫妻，但我都當正佢係老婆，佢亦都當正我係老公，我同佢講，乜嘢都係兩公婆一齊去擔。」對於學歷疑似造假的問題，李龍基則指要交給律師處理，自己不再評論，又指被踢爆疑似假學歷之後，未婚妻是要承擔這方面的問題，也希望她能重新做人，不要再犯以前的錯誤。
李龍基帶拍紙簿給未婚妻畫畫？
李龍基於首日探訪時曾公開對王青霞講「愛的宣言」，他指每次來都有叫對方放心，自己一定會遵守承諾，就算她要坐監，出來後返回內地，自己也一定會跟對方結婚：「每次見到佢我都畀呢個信心佢，我一定會同佢結婚，一定會娶佢，希望佢第日乖乖地，做個李龍基嘅老婆就得喇。（佢答應咗你求婚？）佢答應咗我好耐。（佢有咩反應？）當然佢話好多謝老公，我相信佢都覺得呢個老公係搵啱。」
李龍基不想女兒探望
提到李龍基的前妻是否有慰問？他表示自己身邊的人，每個都對自己很好，甚至表示若然自己沒有空，他們可以代自己去探望王青霞，又指前妻其實以前有見過王青霞：「佢話呢個女仔都OK，照顧得你咁好就繼續啦，我前妻都話若然佢（王青霞）應承嘅話，可以加入探訪名單。」不過李龍基指雖然女兒與王青霞的感情要好，但也不希望女兒來探望，因為探訪的手續非常繁複：「我冇嘢做一定到，其實佢見到我比較暖心啲，我唔想麻煩其他人，自己盡量做。」
李龍基未婚妻Chris被爆哪些「黑歷史」？
對於王青霞被收押後，剩下李龍基一個在家中，提到此事即時悲從中來，含淚激動說：「係呀有陣時…喺…喺…喺…因為平時兩個人喺屋企有傾有講，同埋屋企啲嘢都係佢setup晒，洗衫掛衫冇人去理，我相信捱過呢段時間會好好，我亦都感謝好多位朋友嘅支持、關懷同問候。尋晚亦都有朋友特登走來搵我出去食飯。唉，我身邊真係好多好朋友，真係好感激。」
李龍基嘆世態炎涼
訪問途中，吸引了幾名踩單車的人停下觀看，當中有名身穿黃色衣服的女仕突然走到記者身後舉起V字手勢影相，非常無禮，當被發現後，該名女士即時踩單車離開，問李龍基若然遇到這些狀況會否增加自己的傷痛？他又嘆了一口氣說：「我一向都有感覺香港最近有啲人嘅質素比以前差好多，我後生嗰陣係好有溫情，遇到人哋悲傷嘅嘢，會安慰會體諒，唔係好似而家呢個世道咁好開心，呢個心係唔要得，我希望改進下。」李龍基又指為了不影響心情，所以現在不會看網上的評論，現時最重要的是自己保持強大：「如果我冧咗， Chris點呢？首先我要保護自己先，我成日抱住呢個信念，我一定要強大，我一定要企得穩，咁我先可以幫到佢。」
其他文章：
李龍基一連兩日探未婚妻！爭取元宵共聚度佳節 再度爆喊：佢希望我照顧好自己
拆解李龍基赴懲教所裝扮！着逾40萬名牌現身名錶最值錢 林作：掌握流量密碼
李龍基揭未婚妻曾多次推搪出境！會面15分鐘好激動 認證據確鑿難甩身
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
