德國重召卻奧斯，重點就係穩定整隊軍心。Reuters
德國近幾次大賽成績都未如理想，由路維，到費歷克，到拿格斯文，最大嘅問題係中場線搵唔到適合嘅人選，一路都係甘美治搭哥列斯卡 ，但兩個人嘅防守能力極之疲弱仍然係最大問題。
今季甘美治狀態可以話極之差，由以往後場Build Up控制節奏類型，變成咗維園阿伯踢波，全部波都俾佢拉慢節奏，然之後得回傳，防守能力亦都係唔足夠覆蓋，對方推進時有很多時候都係被輕易越過。哥列斯卡作為向前嘅中場推進能力都係不俗，今季德甲有44次在對方禁區插入，但防守能力唔夠，攔截能力偏弱係重中之中，加上傳送一啲Through Pass嘅能力係好差。
重召卻奧斯重點就係穩定整隊軍心，提高番整個中場嘅派牌能力，唔要淨係向後和橫傳係其中一個重點，再加上一位擁有冠軍Mentality嘅核心，相信提升一班缺乏領導能力嘅球員自信心，傳承一些經驗畀一眾後生仔如安東史達治、史迪拿及艾特簡卡拉沙等都是重中之重。
不過要解決中場防守能力不足仍然係德國其中一個問題，看來3中堅解決防守不足問題上是不成功。咁就唯有睇埋3月國際賽期，拿格斯文有咩葫蘆可以賣咩藥。Willhappy
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
