旺角塘尾道22號長輝大廈10樓一個單位起火，釀成7人受傷，其中1人送院命危。肇事大廈有50多年樓齡，消防處官員今日講述救火過程時表示火警鐘未能啟動，有居民直言「呢幢大廈樣樣都好殘，每逢落雨打風，呢幢大廈都好危險！」又指火警時未聽到火警鐘響起，「過年前已經話維修，都唔知點解整咁耐！」
相關新聞:旺角塘尾道大廈起火 7人送院其中1男子昏迷 170名居民疏散
住客王小姐對於火警鐘未能啟動大感擔心。楊偉亨攝
住客關先生直言:「呢幢大廈樣樣都殘，打風落雨都好危險。」楊偉亨攝
住客被安排登樓返家善後。黎志偉攝
住客被安排登樓返家善後。黎志偉攝
大批警員到場協助居民。黎志偉攝
住客關先生入住長輝大廈三年，今早事發約近6時，「火警鐘好似有問題，今朝返工見成條巷水浸得好犀利，層層都一樣，唔係咁安全，咪落嚟避一避。」他坦言「呢幢大廈樣樣都好殘要整，早輪業主立案法團開會，唔知傾唔掂數定乜，每逢打風落雨，呢幢大廈都好危險，冇晒看醠冇晒管理，我都唔係好想喺度住，只因方便返工。」
相關新聞：塘尾道火警│消防調查相信客廳電器起火 火警鐘未能啟動 1人命危
他知道肇事樓層10樓是慈善機構租予無家者的單位，聽聞是劏房，他形容火警時「好大煙，玻璃窗都要扑爛，聽唔到火警鐘響。」他說立案法團早前討論過為大廈進行全面維修，「但好似傾唔掂數，拖住先，我建議要快啲維修。」
住客王小姐指火警時，她和家人都不在單位內，被消防員爆門入屋搜索。她指聽街坊說，肇事單位住有一對夫婦，當時煮飯中，電飯煲疑短路着火。對於火警鐘未有啟動，她坦言「 好驚，好擔心！可能天氣又潮濕，想法團跟進吓，以安全為重。」她說現在地面遍佈積水，無水無電，幸仍有電梯出入善後。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
