「桂神」（中）係一個非常單純的足球愛好者。
安永佳加盟中超球隊深圳新鵬城，衷心祝他好運，由港超到中甲，再到中超，一點也不易，因為除了林明幀覺得「廣東話真的好難難噢。」之外，在香港踢「老細波」也真的很難難。
季初在一次「猜波台」的網聚之中，遇見「桂神」黃興桂，當刻心情有少少矛盾，一方面我覺得他是一個經典人物，不少球迷共同的記憶和金句都出自他口，必然有其原因，難得遇見當然很想集郵；但另一方面，若果要行埋去傾計，好難唔講下足球，但說實話，自己跟他的足球認知有頗大的不同，我實在無法虛偽地扮虛心請教，咁做人好無謂啫。最終決定不如做下八公講下其他人，喜歡或討厭哪位評述員。正喎，「桂神」真係有嗰句講嗰句，那種真性情令人非常舒服。
「桂神」係一個非常單純的愛好足球者，呢方面跟自己有着不少共鳴，尤其講到某些名人球隊時，真係立即要同佢飲杯。口話約友賽打下衞生波，卻會畀錢請職業球員助陣。為求令到出錢的老細可以企定定有波射、有波入，若果放3個港超落場都贏唔到，就落多兩個囉，沒有甚麼事是錢解決不了的。桂神講到興起道：「有一次亦係最後一次，我作為對手，我淨係企喺那個『老細』隔籬嘜佢，因為就算那些港超扭埋龍門，最後都係搵佢交嘅啫。你令我無癮，我都唔會讓你好過，隔咗一陣，有人走埋嚟同我講，『我搵食啫，唔好令大家難做啦。』」聽到「桂神」咁講，那一刻我只感歎：「踢波波真的好難難噢。」馬高
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
