前「星夢一姐」菊梓喬有傳被炎明熹等聲夢小花分薄資源，導致人氣下滑，於去年底離巢，結束與TVB 7年賓主關係。今日（4日），菊梓喬加入恩師何哲圖成立的公司星演國際，並在尖沙咀舉行記者會，亦獲眾「師兄師姐」送祝福，她指最大原因是很久沒出歌：「呢段時間比較少出活動，見到fans仍支持覺得感動。」又透露將會有不同計劃及新嘗試，老闆何哲圖亦與太太、有線娛樂總經理余詠珊一起送上「鑽石咪」，寓意她唱更多好歌，越唱越強、越唱越好。
菊梓喬表示已有年多沒出歌，所以很不習慣，至於加盟後何時出歌，他表示老闆正在揀選，而她也相信對方會揀選對自己最好的歌。提到她剛才自認是師妹，菊梓喬笑言這不關乎年齡問題，自己是新加入公司，笑她是公司的一姐，她即說：「唔會，唔係，努力做新人，因為做細係會好努力。」菊梓喬指現時當自己是新人，日後將會在音樂、劇集及節目作多方面發展，更坦言若TVB邀請，也會合作，問到為何會繼續跟何哲圖合作？她說：「有其他公司搵，不過出道開始佢幫咗我很多，係伯樂同恩師，對佢都有信任，因為佢從來有嗰句講嗰句，覺得好穩陣。（條件好？）有得返工已經好好，因為喺TVB好少見大家，藝人需要同大家見面。」
菊梓喬指現時逼老闆一年幫她出四至五首歌，亦希望搞演唱會，又指日後會努力爭取工作：「嚟緊拍劇都會自薦，唱劇集歌就會跪求，以前怕醜啲，而家有啲唔知醜，我想做啲同之前形象唔同嘅角色，想鬧到人喊同打人。」又笑謂日後就算出批踭、𦧲高層也一定會跟「師兄師姐」爭歌唱，問到現在是否有拍拖？她表示想，也不介意對方年紀細，只要是合法年齡便可，至於今次加盟，是否有向緋聞男友吳卓羲問意見，菊梓喬聽後即落閘說：「唔知喎，我要做好我自己。（唔friend？）冇咩好講，今日係我大喜日子。（有冇送祝福畀你？）冇人知呀呢件事，可能人哋冇睇呢，唔緊要啦。（好少聯絡？）冇所謂。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
