沙田多石街惜食堂食品製作中心地盤，昨早（5日）54歲紮鐵工人植昔明在工作期間突然暈倒昏迷，送院後返魂無術。他遺下妻子及一對成年子女，因是家庭經濟支柱，其猝然而逝令一家生活頓感徬徨，殮葬費亦成問題。其女兒哭訴「爸爸突然走咗.......太突然，佢好錫我哋，對我哋好好，佢依家走咗......」，兩姐弟期望有社福機構可協助他們辦理父親身後事，好等父親一路好走。
植昔明的妻子及一對子女在深圳居住，而植自己則於中港兩地生活。其31歲女兒及25歲兒子獲悉父親噩耗後，今日趕到香港到富山殮房認屍。兩姐弟認屍後難忍哀傷，訴說父親生前點滴，兒子說父親從事紮鐵工種三年，在有關地盤工作約兩、三年，「佢健康一直冇問題，依家好少食煙，酒亦都冇乜飲，不過做咗呢個地盤好似瘦咗好多，比較攰，又黑又瘦，好辛苦咁！但就冇聽佢講有病痛。」
而植的女兒則剛誕下幼嬰，植新任外公，原本是喜事，惟未及見外孫一面，植便撒手人寰，女兒獲悉父親死訊，她坦言一時無法接受，邊拭淚邊說：「我啱啱生完BB，幾開心，但佢（爸爸）突然走咗......太突然，佢好錫我哋，對我哋好好，依家走咗....」
身旁的胞弟亦哽咽道：「由細供我哋讀書，前幾日我哋微信通話，仲話最近買咗兩件新衫返工著，點知衫都未著就走咗！」由於兩姐弟剛到港，希望能與惜食堂了解事件經過，並表示：「依家未聯絡到地盤負責人，佢（爸爸）青衣、沙田地盤兩邊走，希望了解件事，依家殮葬費亦成問題，希望各界人士可伸出援手。」
據了解，事主三個月前於上址地盤工作，日薪約2400港元。 昨早約8時許，植曾向工友表示要去飲水，其後突然倒地昏迷，送院搶救不治。惜食堂表示，死者為二判紮鐵男工，對其不幸離世深表哀悼，並將繼續了解及跟進情況，盡力提供一切可行協助。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
