亞洲盃之後，多位港將陸續北上發展，包括港隊前鋒孫銘謙轉投中超滄州雄獅。這位土生土長的球員中超5子各自努力，練好身手再回饋香港隊。
23歲的孫銘謙自小在本地球圈長大，今個本地球季經過杭州亞運及亞洲盃決賽周洗禮，最終2月被中超球隊滄州雄獅招手，這位外號「孫銘」的球員說：「二月初收到邀請雄獅邀請，為了專心備戰銀牌決賽，我在二月中和家人商量之後，佢他們好鼓勵我外闖，同時都覺得係一個好的成長機會，所以就決定加盟。自己要考慮的事情，包括了解到球隊踢法，之後就要考慮自己適唔適合球隊以及可否幫到手。」
孫銘不諱言，亞運及亞洲盃令他眼界大開：「經過亞運同亞洲盃之後，應該都算參與亞洲最好級別同埋水平的賽事。踢完之後發覺外面賽事體能要求同埋速率真係好快。經歷兩個大賽之後，好希望可以改善自己，嘗試挑戰高水平對手。我相信經歷兩個盃賽之後，球隊都相信大家有能力喺度西亞球隊決一高下。」
由當初巴塞足校到傑志足校，再到後來凱景出道，踢飛馬，大埔，東方，孫銘自覺是幸運兒：「首先，到現在為止我都係一個好普通的球員，同我年齡差不多的球員，當中都有好多出色的人，我只係比較幸運地多一些出場機會去磨練。在香港作為職業足球員相當不容易，前路好唔清晰，我身邊有好多有天份的球員都因為各種不同原因而放棄咗選擇足球。」
「我只可以說我是幸運的人，由出道至今都遇着不同的好教練，他們每一個人都都成就咗今日的我。我想衷心多謝每一位曾經教過我的教練。」孫銘續指，滄州雄獅有曾經踢過南華及東方的白鶴出任助教，有熟人照顧，可以幫助他更好地適應內地球壇。
談到新球季有5位港將踢中超，包括安永佳、茹子楠、梁諾恆、周緣德，孫銘盼以身作則激勵後輩：「希望大家變得更強，為香港隊將來攞到更好成績打下基礎，同時令到年青一代意識到只要努力，選擇會變得更多。」
關於孫銘謙，外界最關心的問題之一是他應該踢哪個位置。剛剛在首場中超，他代表滄州雄獅踢左翼衛，助攻助守。左翼、左閘、前鋒，到底哪一個才是孫銘謙的最佳位置？孫銘謙說：「我自己偏向希望踢進攻位置，發揮空間可能會比較大，而且由細到大我都係作為前鋒，進攻位置同意識都比防守強。「
首季中超，孫銘謙目標是全方位提升個人能力：「「呢一季的目標，希望自己各方面的能力都有所提升。作為球員，我當然希望每一場都正選，我只知道要做好自己，其他交由教練決定。希望可以在球場上不停跑動，覆蓋多啲範圍，無論攻守都可以幫助到球隊。」孫銘謙已經入選最新一期港隊名單，有望在3月21日及26日為港隊披甲，在旺角場及作客的世界盃亞洲區外圍賽兩鬥烏茲別克。
