TVB節目《東張西望》今日（8日）播出一宗屋邨住戶被臭氣滋擾的投訴，不過並非源自垃圾或動物屍體，竟然是因為一個街坊雙腳令整層樓都臭氣熏天，更有街坊婆婆直說：「佢隻腳好臭啊，啲膿水係咁流出嚟！」
相關閱讀：東張西望丨內地導遊推介黃家駒墳前打卡！樂迷炮轟不尊重 連遊客都唔支持
黃大仙上邨因何事臭氣熏天？
最近《東張西望》收到黃大仙上邨街坊投訴，指有一個街坊雙腳令屋邨臭氣熏天，有婆婆更向《東張》表示：「佢隻腳好臭啊，啲膿水係咁流出嚟，由腳底流出嚟，佢走咗我就擺啲漂白水洗地。」同層街坊更表示：「好臭，好似死老鼠味，去到好嚴重地步，佢隻腳不停流血水，佢自己行幾步，都要喺袋拎紙巾出嚟抹。」
疑因雙腳情況與父母分戶
《東張西望》拍到街坊投訴的鄰居，即使已經遠距離拍攝加打格，但亦能清楚見到其雙腿異常腫脹，皮肉嚴重腐爛，《東張》更指其雙腳不時流血水，而且傳出腐臭味。」鄰居陸小姐透露該事主之前住在黃大仙下邨，雙腳情況亦未有現時嚴重，不過已經因為雙腳而與父母發生爭執，鄰居表示：「有一次（父母）狂鬧佢，話間屋好臭，之前又叫佢截肢，話佢唔截肢就唔同佢住，佢哋就分戶，分咗去黃大仙上邨。」事主現時獨居於黃大仙上邨一個單位，居住環境同樣惡劣，更令腐臭味遍佈走廊，鄰居直指：「好多血水，好污糟！地下、牆都有，每次返屋企我都同小朋友講『閉氣，跑！』」
鄰居楊小姐則表示最近並無大問題：「初初都唔係好覺，可能隔籬或對面先有味，但慢慢就唔係，連我屋企入面、走廊、𨋢都有嗰陣味，真係會令人嘔，屋企要長期開空氣清新機。（有無幫助？）梗係無，都無辦法，大家都忍。我無可能去拍門，叫佢對腳唔好咁臭。」楊小姐表示曾跟管理處投訴，但對方亦說無辦法。
問街坊攞錢買甜食
有街坊還表示雖然事主疑似有糖尿病，但仍經常問街坊索取甜食，另有鄰居指：「佢平時唔會騷擾人，但佢有時會問人攞20蚊，叫人畀錢佢，其實佢係想買雪糕食。」鄰居還表示不少人都覺得事主好慘：「好同情佢。」鄰居亦表示她通常在凌晨4、5時已經出門，待9點過後才歸家：「我覺得佢係等啲小朋友返晒學先返去，其實冇乜人敢同佢同一架𨋢，佢都覺得自己好臭，如果唔係都唔會讓其他人搭𨋢先。」鄰居楊小姐表示對方大概只有30多歲：「佢講過，佢只係等死，又唔係去醫，真係好慘。」
多次聲稱已經康服
《東張西望》嘗試上月採訪事主，雖然對方有開門，但向主持表示：「唔傾喇，我想瞓覺。」問到有無睇醫生，事主則表示：「我睇咗，聽日去睇精神科。」又表示自己有食精神科藥物。問到有冇就雙腳、精尿睇醫生，事主說：「無糖尿。（而家有攞津貼？）社會福利署傷殘金。（對腳痛唔痛？）食藥，唔痛。（我哋有無嘢幫到你？）唔駛喇，姐姐。」
拒絕《東張》幫忙
《東張西望》翌日繼續追訪，事主表示目前一個人獨居：「我喺度生活，無乜嘢做，大部份時間喺屋企睇電視，食完飯，買啲嘢，跟住就瞓覺。」主持黎寬怡問到她雙腿情況，事主則說：「好返㗎喇！（平時有無睇醫生？喺邊睇啊？）有，睇精神科。（有無睇隻腳？）而家好返唔使睇。（好返？）係啊，包紮傷口，而家結晒焦。」黎寬怡問到雙腳如何受傷，事主則表示：「忽然間就有蟲。（仲有烏蠅？）無啊，我返屋企就閂埋個窗。」事主又表示平常已經結婚的兄弟姊妹亦會探望他，被問到平常誰為他包紮傷口，事主又再強調：「我已經好返。（鄰居擔心？）我好返好多㗎喇。」同時又再婉拒《東張西望》幫忙。
內分泌及糖尿科專科醫生周振中則認為他並非典型「糖尿腳」：「多數其他原因，目測應該係慢性疾病引起，下肢應該長期水腫，可能靜脈倒流出問題、淋巴塞晒，繼而引起感染、潰爛。醫生表示背後可能性相當多，糖尿病只係其中一個原因，不過醫生指糖尿腳主要集中在腳板如腳趾等地方，並表示：「相信係好長時間先變成咁，可能幾個月、幾年。」
其他文章：
東張西望丨外傭拍片炫富揭偷遺物？探病仲影相Po上網 僱主：似請咗個小姐返嚟歎
東張西望丨大排檔新年驚爆流血事件！因490元被毆至血流披面 衝突畫面曝光
東張西望丨台前幕後70人團年慶功！兩大男神激罕同框 被美女包圍狂呼歡迎
東張西望丨業權問題引致精神病？梁敏巧追訪被狂叫中年婦鬧爆「死XX」 當場嚇窒呆企
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
