煒哥陳煒最近被邀請成為本地輕醫美新晉品牌的代言人，品牌於日前拍攝首支宣傳廣告及宣傳照，煒哥完美演繹多個同造型，展現百變形象。今次廣告主題為「Be Me Be Gorgeous」鼓勵大家要學懂欣賞及發掘自己的美，呈現大都會女性最真我、真自信的寫照。其中三個造型率先曝光：「職場強人」全白西裝造型既時尚又有霸氣、滿滿自信、獨當一面;「女神約會」以女神長裙展現完美曲線，優雅大方、突顯女性溫柔一面。「枕畔情人」一件男裝白恤衫，慵懶地半躺床上，輕輕甜笑盡顯媚態。
煒哥話拍呢輯床照好大土壓力，好怕達唔到攝影師要求。
「職場強人」造型時尚得來又有女性魅力。
陳煒大show長腿，非常吸睛。
三個造型之中煒哥表示「枕畔情人」最具挑戰：「攝影師初初同我講，話要影床照，影我瞓醒後嘅樣，我初初都好怕達唔到佢嘅要求，驚Carry唔到佢想要嘅，估唔到影出嚟都有啲少女情懷，哈哈。」
煒哥除了樣子外，身材也一直keep得很好。
拍廣告外，陳煒早前還要為新劇《非份之罪》開工。
煒哥新年期間去了多倫多登台。
問到煒哥於拍攝前有什麼準備？煒哥表示：「當初都好擔心，因為農曆年期間去咗多倫多登台，主辦單位派專人每日帶我同老公去唔同嘅地方食好嘢，但係為咗要保持身形都只能夠乖乖忍口輕輕淺嘗，唔敢放肆地開懷大嚼。而且廣告拍攝日期係大年初六，我年初四先返到香港，時間其實好緊迫，怕時差影響狀態。好彩拍攝當日狀態都好好，每影一張相，現場嘅工作人員都會不斷歡呼讚靚，俾咗好多信心我，拍攝得好順利自己都好滿意。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
