湯瑪士梅拿夠靈活，表現好壞影響拜紅成績。Reuters
拜仁周中在歐聯大勝拉素，賽前杜曹話呢場波比任何人都想贏，結果整場波展現出壓倒性優勢，憑着哈利卡尼同湯瑪士梅拿嘅入波，輕取拉素。
之前有兩篇文都寫過哥列斯卡配合甘美治嘅問題加上湯馬士梅拿嘅靈活性，而呢場波將甘美治轉去右閘，柏夫洛域6號位及哥列斯卡8號位，配置上解決咗問題。柏夫洛域質素普通，所以要哥列斯卡幫手落嚟做波，形成一個三中堅拖落嚟分波，哥列斯卡係全場傳球成功率最高嘅球員，將甘美治推返上去到右閘位置。其實效果唔錯，都係一路壓制住對手，尤其係喺右邊出波，甘美治都有一兩球出得幾好。
再講湯瑪士梅拿嘅靈活性，整場波不停指揮，尤其係佢喺中間拉出空間為隊友創造出空間，穆斯亞拿若出現空位有過人能力，呢個都可以佔一定功勞；同時當哈利卡尼拉落嚟嘅時候，梅拿都會利用佢對制空能力，衝入敵陣。佢嘅入波可以顯示到佢嘅補位能力，馬菲斯迪歷特撻咗其實中唔到龍，佢依然一頂可以破網。
其實依一樣應該先係拜仁可以打到出嚟嘅統治力，但係可唔可以維持現狀同表現提升，就會決定佢哋可以喺歐聯行到幾遠。Willhappy
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
