前立法會議員林卓廷與6人被控於「元朗721」參與暴動，林卓廷昨天完成主問，今於區域法院接受控方盤問。控方提到「係白衣人擔心有區外人入去生事」，林指「我理解係搵個藉口去打人」。控方又指林當日見港島動用大量警力，遂故意到離港島較遠的元朗挑起事端，使警方疲於奔命，再借此攻擊警方辦事不力，林表示「完全唔同意」、「我點知佢(警察）咁耐都唔嚟，我邊有水晶球 」，又指出發點為保護市民安危，「我俾人打到咁傷，我覺得問心無愧」。
控方問元朗村落原居民是否地域意識較強，林表示「阿爸阿媽唔少同學，都係我世叔伯，都係姓鄧嘅」，指他們比較重視鄉村文化。林同意控方所說其立法會及區議會職務地區都不包括元朗，控方提到林作為保安事務委員會委員期間，並沒有對元朗事務作詢問及表達關注，林同意沒提過元朗事務。
控方提到案發前網上是否有人說「得元朗得天下」，林回應根據傳媒報道，「有啲咁嘅假文宣出咗嚟⋯冒認反修例人士出一啲網上嘅宣傳訊息」，法官陳廣池問林「得元朗得天下」何解，林表示「邏輯上都係狗屁不通」。
林指在案發當日黃偉賢告訴他元朗會有白衣人集結，控方問有否提到白衣人為何會集結，林稱「佢話有劇本⋯想對付黑衫嘅人」，另表示沒有如控方所說，到場時看到白衣人高舉「保衞家園」的牌子。對於控方提到「係白衣人擔心有區外人入去生事」，林指沒有這樣理解。
林早前自辯指案發當日正在港島擺設街站，直至下午看到「一大紮籐條，同埋都係白色衫嘅人」的相片，遂致電元朗區議員黃偉賢詢問情況，黃稱：「鄉頭吹大雞，有個劇本嘅，唔係着黑衫就打，如果你着黑衫嘅去挑釁佢（支持政府人士），就會用籐條fit你兩下」，黃亦有提及警方知道「吹大雞」一事。林卓廷到達西鐵大堂時便看到一批白衣人。
案件編號：DCCC1106/2020、DCCC 1132/2022
法庭記者：蘇芷榆
---
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
