星8卦｜「有腦」幫「闊少」生仔以為得寵 用橋生多個終於出事
女人最緊要夠膽，好命都係其次。「有腦」一向整個假象，畀人覺得淨係副偈得但唔係好有腦咁嘅樣，對於鍾意女人大波，但大波得嚟要適合嘅「闊少」嚟講，追「有腦」係志在必得嘅。「有腦」根本就係等一個被包養嘅機會，所以「闊少」一埋身完全無難道，幾乎即晚已經行埋周公之禮。
「闊少」錫佢錫到可以畀「有腦」留有自己嘅骨肉，佢又好識生，繼後香燈令本嚟人丁單薄嘅家族熱鬧咗，老爺都無晒符，惟有送咗幾層樓畀新抱氹住氹住咁囉！但「有腦」捉錯用神，以為自己當旺，竟然大貪到想坐正印個位，「闊少」即刻出手阻止，仲有一段時間將「有腦」打入冷宮。
對好色嘅「闊少」嚟講都係忍咗幾個月，對「有腦」念念不忘，好快就日日甜蜜，不過就講到明唔好再搞咁多嘢。「有腦」睬你都傻，而家係你返轉頭，於是報錯時間令自己再大肚，「闊少」嬲到震又怪自己唔小心，惟有趕咗「有腦」離開香港，生完之後細路唔准返嚟，阿媽就繼續陪自己happy，費事老婆唔高興，最絕係「闊少」唔想多事，索性紮咗自己乾手淨腳，點玩都唔驚留後添麻煩。
相關文章：
星8卦｜「痴情」錯愛「男主角」自力更生 「姐姐」捱窮幫手養仔女有情義
星8卦｜「珠珠」約正印講數二女共侍一夫 大婆智慧發言擊退小三
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
