拜仁讓甘美治再出任右閘，疊瓦式助攻重現，立體感極強。Reuters
歐聯8強名單出爐，幾乎全部都係熟悉的名字，熱門球隊再一次包辦8強，歐聯賽事水平真係太高了，亦係最值得捱夜睇的賽事。或許只有上屆亞軍國際米蘭在總比數領先2:0下被馬體會追到射12碼而敗稍為意外，但馬體會畢竟本身就係歐聯常客，賽果都無話唔合理。
另一隊令我意外的球隊，她的名字居然叫做「拜仁慕尼黑」，在「黑腳」哈利卡尼加盟後，拜仁受到媒體高度關注，開季都仲叫可圈可點表現不俗，可惜在德甲卻被利華古遜放甩，面臨今季無盃可捧的局面，教練杜曹更被事先通知教埋今季可以執包袱。在次回合反勝拉素，實在不會太出奇，畢竟兩隊級數有別。
然而，從近仗所見，拜仁讓甘美治再出任右閘，加上左閘拉菲爾古里路復出，左右二路疊瓦式助攻重現，立體感極強，有返當年的洛賓拍列貝利時代的影子。呢種用中場級數打後衛的招式，實在係能提升後場用波能力的最快捷方式，任何球隊若想提升自己在陣地戰時用波的質素，呢招基本上係萬試萬靈。唔通杜曹又殺出條血路？
拜仁今屆歐聯冠軍未必無機會喎，今晚拜仁慕尼黑應可大炒達斯泰特，讓兩球兩球半都唔怕。馬高
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
