著名音樂監製Edward Chan（陳浩然）將於今個月23及24日假亞洲國際博覽館舉辦《Blueprint of Memories, by Edward Chan》首個音樂作品展。作品展上除有實力代表陳柏宇、林奕匡、方皓玟、Dear Jane外，新世代歌手則有黃妍、葉巧琳、姜濤、呂爵安、盧瀚霆及Daniel Toh，還有與Edward識於微時的側田、林一峰、薛凱琪及衛蘭等。
與歌手合作不論是創作或是監製，Edward都全身投入去了解歌手，好像林一峰，音樂工作上支持和信任Edward外，連他的感情生活同樣關心，由拍拖到結婚，林一峰見證Edward在太古坊彈琴求婚的情景。而不少快歌由Edward包辦，包括《唇印》、《小峽谷之1234》 的薛凱琪（Fiona），令Edward最難忘是，自認嚴肅的他與Fiona錄《唇印》時，被她的性格、舉止影響，竟然在錄音室一齊跳唇印舞。而側田在Edward面前更是毫無顧慮，Edward說：「因為想錄音時特別有感覺，側田將錄音室燈全熄再除衫，感覺係特錄音以來最赤裸一次，所以都好期待作品展上佢現場又會點演繹？」
久未在香港演出的Fiona，直言心情興奮說：「好耐冇係香港唱歌，好興奮，同Edward又合作過唔少作品，佢打俾我話開作品展，我本身想唱晒兩場，但24號有工作又要飛，冇辦法。」
Edward的作品展舉行在即，他亦率先透露部分內容，說：「兩晚會合共60首歌，當中三分一有某程度嘅改編，有一啲會想保留原裝感覺，但改由另一個歌手演出，亦有同一個曲目但兩晚由唔同人演譯，而最重份量嘅賣點，應該係歌手間嘅合作，我嘗試將個性相近但唔同年代的聯乘、亦有一啲散發到一種俾我感覺類近嘅歌手，透過合作而衍生更精色嘅表演，當然有大家諗到嘅組合，但同台嘅演出又會係大家意想不到，所以我都幾有信心俾到驚喜大家。」據知，Edward每晚邀請了一位神秘歌手上台獻唱，以令作品展更豐富更圓滿，觀眾更驚喜和開心。
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
