鏟屎官帶汪星人散步設備越發齊全，元朗的牧羊人也不惶多樣，水樽、摺疊水兜、拖繩樣樣齊，更加出動一樣備受網民稱讚的「神器」，以防沿路放羊咩屎。
有街坊早前在洪水橋街頭野生捕獲羊版鏟屎官牧羊人放羊。網民眼定定，驚見羊兒窄窄的腰圍上，竟穿上一條黑色孖煙囪，連隨心神領會，大讚「主人好有心」。詳情見下圖↓↓↓↓
洪水橋街頭放羊逐格睇↓↓↓↓＋ 網民眼定定回應↓↓↓↓
網民：唔會一路行一路放金
樓主在facebook群組「洪水橋街坊」以「放羊喺洪水橋第一次見」為題上載僅長約5秒的短片，當中一名男子以拖帶拖著羊兒散步街頭；男子腰間陀有不少裝備，包括一瓶水和一個藍色疑似摺疊水兜，相信以備隨時給羊兒補充水份。
片中最級睛處是羊羊步行時，搖擺臀部穿上的一條黑色短褲。網民看真短片後即時心神領會，大讚「主人好有心」，解釋「羊著咗褲唔會一路行一路放金」。樓主在回應欄內補充：「本來我以為係狗，跟住聞到羊屎味望返轉頭有角嘅，好可愛，主人一定好寵愛佢」。
洪水橋街頭放羊逐格睇↓↓↓↓＋ 網民眼定定回應↓↓↓↓
樓主：唔係個個受到呢陣味
偶遇羊羊，樓主表示在區內「住咗十年第一次見咋」，但有街坊網民聲稱「成日見到佢哋㗎」，並透露「佢（牧羊人）日日都帶出去散步，佢住我屋企附近」、「好耐，佢㗎專車成日放惠康（大發果邊）對出」，估計「唔知係咪住丹桂村路某豪宅，之前喺嗰邊間中聽到羊咩叫」。
雖然羊羊可愛、走在街頭又罕見，但街坊還是吐槽羊兒「飄香」，指「直頭想嘔，街頭見佢，我街尾走，不過我唔反對佢放羊」、「聞過陣味超騷味，真心覺得覺得主人好有心」、「行過身邊又騷又臭！陣味久久不散」，樓主現身回應時也坦言「咁又真係唔係個個受到呢陣味」。
洪水橋街頭放羊逐格睇↓↓↓↓＋ 網民眼定定回應↓↓↓↓
根據《公眾衞生（動物及禽鳥）（牛隻、綿羊及山羊的飼養）規例》（第139C章），在新界9個地區（離島區、葵青區、北區、西貢區、沙田區、大埔區、荃灣區、屯門區及元朗區）飼養羊隻無需領牌。如在其他地區飼養羊隻，則需領取合法牌照。
迷途小羔羊誤闖錦田天橋頂
去年（2023年）11月25日中午，錦田出現一隻迷途小羊，獨自街上流連，更走上天橋頂層，途人擔心小羊危險，將小羊的消息放到居民間的社交群組：「有冇人識佢主人」。
香港羊蹤相關新聞：
粉嶺成街都係羊？ 人來人往花槽邊搵食 網民當景點：好想去觀羊
草地放牧拍出動物大遷徙感覺 網民驚覺香港竟然有咁多羊【入去睇拍攝地點】
露營遇上勁可愛BB羊網民求位置想探羊仔樓主咁回應......
奇景！羊群包圍「寶馬」坐凹車頂 「咩呀」「咩呀」叫不停
將軍澳山坡5羊食草惹關注網民爆料：屯門北區羊山羊海
羊咩咩識聽你嗌佢？ 網民勁好奇：羊可以做寵物嗎？
命懸一線｜迷途小羔羊屯門逆線驚險行馬路 網民勁憂心
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
