3月18日，大致多雲，有霧及一兩陣微雨。美國股市上周曾創下紀錄新高，但其後回吐。本周首要焦點係聯儲局議息結果。回顧上周，美國主要股票指數變化不大。展望本周，聯邦公開市場委員會(FOMC)於周三結束一連兩日議息會議後，將向外間公布有關結果。
關注聯儲局利率點陣圖
市場普遍預期，FOMC將維持基準利率不變。但投資者關注聯儲局嘅利率點陣圖，會否維持今年減息次數3次預測不變。聯儲局主席鮑爺議息後記者會，對美國經濟及通脹嘅睇法，亦會左右美股走勢。近期美國數據反映，通脹未有如預期迅速回落，令市場對聯儲局今年減息次數預期6次大減至3次。此外，日本央行亦會舉行議息會議，市場預期將取消執行咗超過八年嘅量化寬鬆措施；而英倫銀行則於周四舉行議息會議，市場預期維持利率不變。
中港股市方面，內地擺脫通縮威脅，A股連升五個星期，滬指累漲近12%，不過美國通脹壓力較預期大，市場對聯儲局減息預期降溫。港股上周雖回升，惟尾段升幅收窄，下試20日線近16500關口找到支持，收報16720，一周累計升367點或2.25%，結束前兩周調整市況，但17000關得而復失。
騰訊、美團及小米紛放榜
本周除咗係外圍超級議息周，港股亦為業績高峰期，展望本周，三重磅科技股騰訊（700）、美團（3690）、小米（1810）將公布業績，預期本周港股表現較為反覆。港股2月下旬開始，不斷創出今年新高，多得阿爺組合拳救市，大大改善氣氛。而近期北水持續錄得淨流入，港股近日成交亦保持每日千億元之上。
技術走勢上，5日線已升穿10日線，10日、20及100日線快將交匯形成匯聚區，料本周有望再次向上突破。至於港股重要支持為16500至16600水平，若能守穩，整固待升格局保持。即日支持為16600至16700，即日阻力為16950至17050。
---
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁：https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
