90後TVB藝員林子超（Andy），向來活躍於社交平台，早前拍片驚爆自己「負債百萬」，原來是榮升業主，Andy回應《星島頭條》表示，其實去年開始已有上車打算，三個月內睇了足足40個放盤，最終於去年9月以600萬元買入港島東一個兩房單位，惟買入後樓價一直尋底，他都坦言，「講真，真係唔敢睇！」
Andy表示去年搬出來住的時候，就開始有上車打算，認為「幫人供樓唔抵」於是決定睇樓，首選是港島東區，「因為細個都係住喺附近，特別有深厚感情，港島東區一向發展得好成熟同方便，所以自住或者將來有機會租出去都有一定信心。前後都睇咗三個幾月，除咗樓價係最直接嘅關係之外，自己對地區同面積都有一定要求，所以都睇咗30至40間。」
最終以約600萬元買入樓齡約30年的港島東舊樓兩房單位，Andy感恩有屋企人幫忙，「首期係屋企同自己一人一半，講真好感恩有機會成為業主，感激屋企人幫忙，同埋都叫做完成人生其中一個大事，真係要努力工作，同埋都有幾大壓力，但壓力就係動力，可以為屬於自己嘅物業努力，真係好開心！」
不過Andy坦言其實都擔心樓價下跌，「講真，真係唔敢睇！不過始終係自己第一個物業，同埋自住並唔係用嚟投資，所以自己買到心頭好，住得舒服就最重要，加上自己唔係一個好識投資嘅人，所以都係腳踏實地工作最重要。」
早前Andy於個人YouTube頻道表示，「簽咗呢份約就證明我要負債幾百萬，大家祝福我啦！」片中所見單位間隔四正，為兩房間隔，裝修保養尚可，不過Andy在片中表示已經決定將單位大改造。
現年34歲的林子超，入行至今已13年，自小喜歡跳舞和舞台劇的他，中學畢業後，便報讀香港演藝學院的現代舞文憑課程，接着再去新加坡進修舞台音樂劇專業課程。學成後，加入NowTV擔任主持工作。
其後，他報名參加TVB的《2016香港先生選舉》，雖然落選，但就獲邀為兒童節目《Think Big天地》教跳舞。翌年，他被監製梅小青看中，並獲安排在劇集《宮心計2深宮計》中飾演「陳茗風」一角，因演技精湛而開始受外界注目，2018年正式加入無綫成為旗下藝人。
早年在競技節目 《全城一叮》中，分別變身妖后大跳大唱〈Lindylicious〉，以及晒肌大跳鋼管舞，睇得一眾評判和觀眾嘩聲四起，成功脫穎而出，最後還跟王祖藍的表弟「孖八」李俊華，齊齊奪得冠軍。終於打響名堂的他，亦因此獲得不少表演及演戲的機會。
---
【上車驗樓，星島搵專家幫你手！如果你有新盤驗樓、裝修分享，請即Email：[email protected] 】
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
