英雄樹開花，椏枝上的木棉花星星點點，嘩啦嘩啦地炸開。屯門河畔春滿枝頭，有女街坊到公園仔賞花時卻遇上呆站的三角褲怪客，驚呼「我相信依條唔係運動褲」，有網民則因應顏色相似，笑指「佢前面嗰舊咪木棉花囉」。
本港昨日（24日）天氣炎熱，下午錄得最高氣溫31.5度，打破自1884年有記錄以來3月份的最熱紀錄。樓主昨早在facebook群組「真.屯門友」上載兩張相片，指「今（24日）朝諗住去屯門河畔上面個公園仔睇木棉花⋯⋯見到個男人淨係著住條底褲⋯⋯我都唔敢行埋去⋯⋯個男人完全唔忌諱，見到我都唔打算著返條面褲⋯⋯於是我就走人⋯⋯女士們路過都要小心。我相信依條唔係運動褲」，並在回應網民的「咁早，好多地方都有做運動啦」留言時補充——「成個籮柚打出嚟喎」。
屯門河畔木棉花怪客逐張睇↓↓↓↓＋ 網民眼凸凸回應↓↓↓↓
網民對相中男子的三角褲款式很感興趣，有人笑指「佢前面嗰舊咪木棉花囉」、「以為放咗朵木棉花喺度」，於是不禁哼出羅文名曲《紅棉》——「紅棉盛放，天氣暖洋洋，英姿勃發，堪景仰」。
另有人精警地形容三角褲質料像紅膠袋，「似用膠袋綁埋一條底褲」、「點解咁似一個紅色膠袋」、「唔似低褲，似條繩綁住袋嘢」、「似街市啲紅色膠袋」。
屯門河畔木棉花怪客逐張睇↓↓↓↓＋ 網民眼凸凸回應↓↓↓↓
有街坊爆料指曾經偶遇三角褲男，表示「我好似見過佢由御海灣跑去屯門碼頭」、「我當時見係佢著條運動褲捲高同摺高咗」。
由於本港昨日天氣炎熱，正午時分多處地區的氣溫上升至30度左右。截至昨午1時，天文台錄得最高氣溫30.3度，是自1884年有記錄以來3月份的最高氣溫。兩小時後，最高氣溫進一步攀升至31.5度，繼續刷新紀錄。在炎熱天氣下，有人估計「會唔會係摺高咗條跑褲」、「似係運動褲摺高咗」、「可能想曬太陽平均啲色」。
屯門河畔木棉花怪客逐張睇↓↓↓↓＋ 網民眼凸凸回應↓↓↓↓
雖然有人形容畫面「好恐怖」，但有平常心的網民建議「當佢泳褲，你心情會舒坦點」，並稱「人哋行為藝術，我哋啲平凡人識條鐵咩！」。
有網民則突破盲點，形容「阿叔個身材幾好喎，有腹肌」，有人更細心地留意到「佢唔係淨係著住條底牌，都有頂青BB嘅帽」。因應三角褲怪客的打扮，令部分網民聯想起「哪吒」，甚至日本動漫《 咕嚕咕嚕魔法陣》內的「傑他他老伯」。
木棉花相關新聞：
八鄉石崗紅棉怒放 英雄昂首夾道相迎【附前去方法】
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
