劉嘉玲遇91年《雞鴨戀》幕後興奮傾唔停孖佘詩曼西貢半日遊食盡馳名小店丨獨家

58歲的劉嘉玲好忙，經常陪影帝老公梁朝偉出席全球影展及頒獎禮，Taylor Swift喺新加坡開演唱會又見到佢，又會出席上海的珠寶首飾活動，近月又忙拍攝內地節目《嘉人自友約》，好多網民已從多地野生捕獲Do姐、薛凱琪及羅子溢夫婦等藝人做嘉賓。上周五(22/3)下晝，戴住黑超一身型格Look的劉嘉玲同佘詩曼現身西貢拍節目，食勻馳名小店，前者路過舊墟一間餐廳，跟識於微時的電影幕後相認，嘉玲姐勁興奮，先攬攬再用手機自拍，然後快速想當年，全程笑唔停，普通話夾雜廣東話，更相約有機會再見面。採訪:廖思慧

梁朝偉與劉嘉玲出席香港「The Children Ball」的籌款晚宴活動

LVMH太子妃超模Natalia Vodianova Arnault、劉嘉玲及韓劇「收視女王」孔曉振

去新加坡睇Taylor Swift演唱會

網民在廣州野生捕獲Do姐

網民在太平山街野生捕獲薛凱琪

中間嗰位係李若彤

仲有黃貫中老婆

羅子溢夫婦同劉嘉玲現身澳門街頭

當日中午12時，劉嘉玲同佘詩曼連拍攝隊伍近30人現身西貢，在舊墟行街時跟一間餐廳老闆相遇，老闆跟她打招呼，傾多兩句就勾起嘉玲姐記憶，原來老闆以前是龍虎武師，嘉玲姐向鏡頭介紹他，還笑笑口上前輕推對方，「他是任達華的專用替身，看一下，像不像任達華。」搞到老闆怕醜大笑。

隊CREW好多人，街坊亦多，圍住睇明星

嘉玲姐一見老闆，即拎手機跟對方自拍。

兩人好好傾，嘉玲姐更傾到O晒嘴。

嘉玲姐介紹老闆是任達華的專用替身

嘉玲姐輕觸食店老闆，笑向鏡頭問，「他是任達華的專用替身，看一下，像不像任達華。」

老闆笑容怕醜得嚟有啲尷尬

嘉玲姐趕行程同老闆講拜拜

嘉玲姐笑住傾
老闆提到1991年的電影《雞鴨戀》有份做華哥替身，覺得劉嘉玲唔會記得，女方即大聲跟他說，「《雞鴨戀》?我拍的電影，我怎麼會不記得。」老闆再提1991年拍攝的《子彈出租》，以老人家稱呼華哥，嘉玲姐Feel唔到箇中含義，廣東話回他，「佢嗰時都唔係老人家。」之後再提到方中信有時也會幫襯其餐廳，嘉玲姐好驚訝，「方中信都住在西貢?」嘉玲姐全程答問好多表情，又手郁郁非常可愛，而阿佘及內地男主持就做觀眾，笑住聽兩人吹水。由於趕住拍攝，嘉玲姐要轉場，老闆相約下次有機會再傾。

嘉玲姐偶遇舊相識後好開心，睇佢笑得幾甜，連阿佘都好開心。

阿佘被讚《新聞女王》演得好，即合十多謝。

阿佘超好笑容
夠鐘食Lunch，兩人轉往食車仔麵，店主安排攝製隊坐在店內最入的位置，食客見到身旁有明星光臨都冇太大異樣，又食又拍半小時完成，離開時阿佘面對街坊笑笑口講Hello，街坊大讚《新聞女王》「Man姐」真人原來咁鬼Nice，而嘉玲姐負責埋單，還提店員記得包好外賣。食完正餐個胃仲有少少位，兩人再幫襯同屬西貢名店的馳名菠蘿包，店主安排兩人坐在正門位置，阿佘仲戴住手套食菠蘿油㖭。食飽最啱散吓步，網上有唔少遊客拍到兩人去碼頭睇海鮮，又去行沙灘及捉圍棋，希望節目出街後，可以有助帶旺西貢經濟啦。