有申請公屋的港女獲首派交通極方便，往來地鐵站僅約5分鐘步程的240呎單位後，早前在facebook群組「公屋討論區」發帖查問「有冇谷友住嗰度？」，聲言由於「要考慮好多嘢」，因此心大心細「考慮緊要唔要」。
鑑於有關地段發展成熟、配套完善，交通更是便捷，網民對樓主的猶豫不決大感愕然，有人直言「唔係啩？好嘢嚟喎！仲要諗？」。
一派公屋筍盤逐張睇 ＋ 網民流口水回應↓↓↓↓
港女嫌樓齡大廳又細
樓主上載附有地址的首派信件和單位相片，發帖指「一派（將軍澳）寶林邨寶儉樓。有冇谷友住嗰度？面積幾多呎？交通方便，附近有商場！房屋署會翻新。考慮緊要唔要」；並在回應欄留言的字裏行間，略嫌屋邨樓齡達36年，單位的廳有點細。
網民點醒好嘢嚟
由於地點實在優越，熱心的網民連隨「恭喜」樓主，並心急留言「點醒」勿「博二派」——「梗係要啦」、「要硬」、「唔係啩？好嘢嚟喎！仲要諗？」、「絕對要得過！」、「正，我都想要」、「喺將軍澳，寶琳係最方便之一，仲要諗」。
另有人指出，「寶檢樓係寶林邨最新嘅一座，後期先加建」。翻查資料，寶林邨1988年落成，樓齡36年，但加建的寶儉樓於2001年才落成，樓齡23年。
一派公屋筍盤逐張睇 ＋ 網民流口水回應↓↓↓↓
網民詳列區內種種好處
網民並詳列區內的種種好處，有街坊大讚「附近有新都城街市、寶林街市、新都城（商場）。食方便都ok嘅，交通有地， 唔係好遠巴士都有啲出旺角、尖沙咀、沙田，去西貢有12小巴」。但有人提醒將軍澳勁潮濕一定要有抽濕機，而寶林區內也野鴿為患。
港女最終扑槌......
由於公屋普遍只有3次揀樓機會，有人提醒樓主「見好就收」，「好盤直接收貨，不用賭二三派」，「如果第三次放棄就冇」。
最終，曾親身視察環境的樓主指，「廚房廁所都好大」、「入去間屋都好舒服，光線充足」，也承「認真係好方便，地段好」、「嗰度真係冇咩好挑剔」，於是扑槌「決定要」。
一派公屋筍盤逐張睇 ＋ 網民流口水回應↓↓↓↓
公屋相關新聞：
公屋「暗盤」流竄暴利6倍 「咁樣」避房署巡查 揚言最少可住10年
驚見港女拆公屋廚房門放售 大貪索價$ＸＸＸＸ (附公屋還原價目)
公屋二派青衣長青邨 機場工友嫌三嫌四唔住 網民嘩然：咁正都唔要？
廁所大變身｜慈正邨住戶：房署免費整浴缸變企缸 符合條件仲可加建一樣嘢
港男「癲輪」公屋18年避做長工 自甘下流「零積蓄」住劏房 最後結果係...
公屋首派即中「樓王」竟放棄！「炫富」自稱嫌太近地鐵 網踢爆疑似內情係...
港女輪候公屋13年獲派彩園邨凶宅稱感恩 網民 : 做人豁達啲好
公屋新舊樓優劣惹熱議 網民：舊樓住地點新樓住質素
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
