由黎芷珊主持的全新節目《芷珊約您》將於4月21日，逢星期日晚上9點半翡翠台播映。今次芷珊破天荒以紀錄片跟拍形式訪談樂壇7代表人物，包括張敬軒、楊千嬅、王嘉爾、溫拿、草蜢、許志安及陳慧琳，並跟着他們先後走訪紐約、上海、澳門、馬來西亞、高雄及廣州等地方，貼身直擊他們舉行世界巡迴演唱會時台上台下的珍貴點滴。
早於去年年初芷珊已開始籌備《芷珊約您》，她說：「以往做開嘅訪談節目多數坐定定，但係𠵱家觀眾要求越嚟越高，多啲畫面會更加吸引，所以就諗有咩形式嘅訪談節目可以飛去唔同地方呢？加上歌手系列我未做過，所以就諗到需要周圍飛嘅巡迴演唱會。」芷珊續指：「大家只係睇到台上嘅表演，台後其實仲有好多特別嘢，諗都諗唔到會發生嘅，我覺得都幾有趣架！」
在許志安的一集，他首度剖白2019年經歷低潮期後的衝擊，並坦言是「一世的傷疤」，甚至因此對歌唱事業失去期望。芷珊除了緊貼各組嘉賓深入舞台不同角落，還會由綵排一直貼身跟拍至上台，為大家揭秘嘉賓們臨上台表演前最真實一面；芷珊與嘉賓的訪談地點亦不會局限於餐廳或室內，其中張敬軒一集，芷珊便與軒仔坐在紐約的Limo（豪華轎車）上閒話家常，仲要大歎香檳，勁chill！
邀約歌手期間食盡檸檬
談到能請到這麼多位頂級歌手擔任嘉賓，人脈甚廣的芷珊笑言亦有「食檸檬」時候，她說：「有啲歌手嚇親，因為全程要跟住，但我就係想有變化，所以最終唔成事。同埋嗰陣係疫情尾聲，有啲歌手仲會戴口罩，同埋除咗開騷其餘時間都留喺酒店，比較難配合拍攝。」加上每位歌手檔期不同，演唱會後台又多「神秘禁地」，絕對是一大挑戰，芷珊說：「雖然台後好多嘢拍，但有啲嘢唔穿得，要一路同嘉賓嗰邊傾。」談到為何能贏得如此多藝人信任，芷珊笑指除了事前要花工夫做功課，對受訪者有深入及清晰的了解外，還必須與對方事前有充分溝通：「我訪問前會再同佢哋傾吓偈先，畀佢哋知我嘅方向係點、希望件事出嚟係點，等佢哋有信心，就會好放心、好坦白咁同我盡訴心中情。」
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
