逾40年歷史的老字號大閘蟹店「老三陽」近日貼出退休公告，將在清貨後結業。老三陽董事總經理祁玉鳳今日（15日）接受《星島頭條》電話查詢指，登龍街店鋪屬遺產物業，結業非租金或生意原因，單純是想休息，「依家我六十歲，一個甲子喇，都夠啦，我唔退得休咩？一定有原因咩？依家我蝕本咩？全部都唔係。」她指沒有公布具體結業日期是想低調，但答謝客人數日來排隊支持，形容「老三陽」是「光榮結業、風光大葬」，自己對得起作為創辦人的父親祁廣楠。
一年做足362日 冀退休後多去旅行
「老三陽」以售賣嘉湖糭及江蘇大閘蟹聞名。祁玉鳳憶述，自17歲起睡在貨車與父親一起「打天下」，形容工作異常辛勞，沒有年輕人會願意接手，直言「一年365日我做足362日，日日做16個鐘，大閘蟹旺季嘅時候，我通宵運作直踩30幾個鐘。」
她續指，多年來工作令身體「五勞七傷」，反觀同齡同學都在含飴弄孫、周遊列國，計劃退休有更多時間旅行及照顧八旬母親，過回自己人生。
「賣嘅糭美味但不健康 唔應該食」
結業消息傳開，「老三陽」門外有不少客人排隊支持。祁玉鳳形容「今生無悔」，會將剩下的貨物捐給社區，但求「好頭好尾」，「有啲客人要搵我都搵到我嘅。」她又笑言，「老三陽」售賣的糭雖美味但不健康，「濃味、多油、又鹹，我認為呢啲嘢都唔應該食，所以咪唔賣，你睇我幾有性格？」
祁玉鳳又說，自己多年來「有錢冇時間」，因此可以退休，寄語年輕人要先苦後甜，各有前因莫羨人，「你唔挨窮，唔儲起第一個1千蚊，何來第一個1萬 ？唔儲起第一個1萬？何來10萬？ 年輕人，好好捱世界，我依家想嘆世界！」
記者 蕭博禧
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
