壹傳媒創辦人黎智英與《蘋果日報》三間相關公司涉串謀勾結外國勢力案今踏入第62日審訊，亦是第五名「從犯證人」、法律助理陳梓華第4日出庭作供。陳梓華供稱李宇軒在2019年區議會選舉前聯絡他，表示會舉辦「監選團」及邀請外國議員來港，包括英國上議院議員奧爾頓勳爵（Lord David Alton），陳梓華聯絡黎智英私人助手Mark Simon，對方得悉後「好有興趣」及表示「我地會大力支持」，後來轉賬50萬元給李宇軒。
相關新聞：
黎智英案│黎智英：要建立橫跨勇武派及「和理非」的大台
黎智英案│Mark Simon深諳「攬炒團隊」倡「港獨」 指示李宇軒避免向美參議員介紹
黎智英案│Mark Simon促陳梓華推進反華文宣 於美國國會山莊辦抗爭展覽
黎智英案│黎智英為保美國支持 指示陳梓華聯繫勇武派領袖協調行動模式
12:45 午休。案件下午兩點半再續
12:30
陳梓華稱Mark Simon就制裁名單一事沒有說甚麼，而李宇軒當時亦未有將制裁名單傳送給他。陳梓華指他當時在Telegram上有看到多版本的制裁名單，「後來佢（李宇軒）話我知用咗SWHK個份（制裁名單）」。
陳梓華又指當時他聯絡過Mark Simon後，回覆李宇軒「放心，Mark Simon話你唔會一個人都見唔到」、「放心去networking（建立關係）下，加油」，及指「將來方便你（李宇軒）繼續同佢地keep contact（保持聯繫），同埋你將來做國際游說工作」。
陳梓華亦供稱自己曾按入連結，查看李宇軒帶去美國的制裁名單。控方向陳梓華展示SWHK網站的制裁名單，但陳梓華表示當時他使用的連結是一個檔案連結，由李宇軒透過Telegram傳送給他，並非SWHK網站連結，「但裏面內容，我係有啲印象」，並確認內容類似控方展示的SWHK網站制裁名單。
12:40 李赴美後向陳透露美國行程內容
陳梓華供稱，他當年點擊李宇軒向他傳送的連結後，看到一份以英文撰寫的制裁報告，但之後沒有做過任何事，陳認為李是想「話我知，佢同人影咗相、識咗啲人、俾咗一份制裁名單」，但陳只知李在美國向他人提供了一份制裁名單，但實際不知道李向誰提供該份制裁名單。
李運騰法官問道，為何李宇軒像是要向陳梓華報告其美國行程，陳回答：「當時佢的而且確同我分享佢喺美國做咗啲乜嘢」，而且當時已經決定李宇軒「打條國際線」，李宇軒亦與「攬炒巴」劉祖廸在不同事務上有很多比較緊密的聯繫，但由於陳梓華不知道又沒有參與國際遊說事務，陳梓華認為李宇軒「想話俾我知，佢做咗啲乜嘢」。
12:12 小休後開庭
李宇軒帶制裁名單赴美作國際游說 透過陳找Mark Simon搭線見當地政要
陳梓華供稱在2019年12月，李宇軒曾致電「話佢準備去美國，去見下啲政要」，但當時李宇軒憂慮去到美國「一個（政要）都見唔到」，李宇軒透露「SWHK同埋攬炒嗰邊幫佢拉緊關係」，而李宇軒想再次與Rick Scott見面，另得悉朱牧民與黎智英和Mark Simon關係「特別好」，「想我問下Mark Simon嗰邊可唔可以幫到佢手」。
陳梓華續稱，他於是致電Mark Simon及表示李宇軒需要協助，Mark Simon問「咁呢一程，李宇軒佢想achieve到啲乜野，有冇啲咩人佢特別想見」，陳梓華便透露李宇軒「想見下啲官員啦」、「想講解下香港情況，想做國際游說」，李宇軒亦考慮帶同一份制裁名單、「睇下有冇機會畀美國官員」，李宇軒當時又表示「唔想兩手空空咁過去」。
陳梓華指Mark Simon了解後，表示「放心」、「佢會arrange」，Mark Simon「要我同李宇軒講，唔會一個人都唔到，叫我鼓勵下佢」，指至少會見到Rick Scott，陳梓華亦理解Mark Simon會聯絡朱牧民及介紹給李宇軒認識。
11:28 小休30分鐘。
11:20 陳至今仍未向黎智英歸還接收BVI公司銀行戶口內8萬元
控方指出，本案承認事實已指明，LACOCK Inc.在香港匯豐銀行於1996年4月18日開立戶口，LACOCK Inc.在2018年4月26日至2020年1月13日的授權簽署人為Mark Simon、黎智英及壹傳媒前營運總監周達權，而自2020年1月14日起，LACOCK Inc.的唯一董事及公司銀行賬戶的唯一授權簽署人則是陳梓華。
控方展示LACOCK Inc.的香港匯豐銀行月結單，顯示該公司銀行戶口內有8萬港元，2020年2月7日被扣除$200服務費，結餘為7.98萬港元。陳梓華指Mark Simon以為LACOCK Inc.的銀行戶口內只有5萬港元，及後Mark Simon指示陳梓華以現金方式向他歸還該8萬港元，但陳梓華直至在2020年10月10日及2021年2月15日被捕前也沒有向Mark Simon歸還該8萬港元。
陳梓華當時「只想要離岸公司做生意」，但Mark Simon卻表明該公司亦可用作處理反修例運動或國際文宣計劃，「因為間公司係匿名嘅，所以如果喺海外同不同單位聯絡時，或可以用到呢間公司做支援」，陳梓華提到由於「在海外與不同單位接洽時都需要射（轉帳）啲錢」，Mark Simon指如陳梓華不想用自己名，可以用該公司處理，但陳梓華堅稱：「我應該唔會啦」。
11:00 陳指黎智英2019年12月已提舉行初選想法
陳梓華與Mark Simon亦有討論2019年區議會選舉，Mark Simon「覺得黃絲（反修例運動支持者）勝選係大勢所趨，佢哋（黎智英與Mark Simon）開始研究緊初選，點樣可以延續呢個氣勢，可以喺立法會選舉都大勝」。李運騰法官隨即問及，「你是指黎智英早在2019年12月已提出舉行初選的想法？」，陳梓華確認並指後來黎智英在2020年1月也曾經親口向他說「初選」事宜，「甚至乎黎智英話已經攞咗報價，一間歐洲公司可以做初選公投程式」。
陳憶述Mark Simon當時曾向他說「Do something at the international front. （要在國際戰線上做些事）」。
黎智英將其中一間空置BVI公司轉名送贈陳梓華作報酬
控方另提及Mark Simon曾經提過可以協助他開設離岸公司銀行戶口以作報酬一事，陳梓華指Mark Simon在第二次見面時提到，Mark Simon發現原來在香港很難才可以開到離岸公司銀行戶口，所以沒有辦法幫陳梓華開到離岸公司銀行戶口，但Mark Simon與黎智英講及此事後，得知Mark Simon及黎智英手頭上有兩間空置的離岸公司，「可以比其中一間我（陳梓華）作為報酬」。
Mark Simon表示旗下的離岸公司會連同一個香港滙豐銀行戶口，向陳梓華介紹其助手Evan Lau，去處理該離岸公司的轉名事宜。陳梓華憶述他約在2020年1月獲邀到壹傳媒大樓，簽署公司轉讓文件，該文件上已有黎智英的簽署，得知該公司為英屬維爾京群島（BVI）註冊公司LACOCK Inc.，其銀行戶口內有8萬港元。
10:40 Mark Simon：我老細好有錢 唔代表佢任何人都要贊助
陳梓華供稱，他在2019年區議會選舉後，即約在2019年11月尾至12月頭，在沙田君悅酒店與Mark Simon會面，Mark Simon指他與黎智英均認為「監選團做得好好，呢個就係我哋想要嘅嘢」，又提到有很多民主人士聯絡他們尋求金錢資助，但Mark Simon表明「我老細好有錢，唔代表佢任何人都要贊助」，小額贊助可由Mark Simon自行決定，而大額贊助則雖由黎智英親自決定。
Mark Simon嫌李宇軒「唔識做人」 次次最後一刻才找人幫手
陳憶及當時Mark Simon向他投訴，「李宇軒每次都係最後一刻先搵人幫手」，認為李宇軒「唔係好識做人」，所以Mark Simon希望陳梓華繼續在中間協調Mark Simon及李宇軒。Mark Simon又建議他們將來的文宣工作應該放棄登報紙，改為在網上平台宣傳及推廣國際遊說工作，才會更有成效。
Mark Simon提到「唔係個個人都會讀報紙，加上已經有好多人關注香港情況，唔需要再靠登報紙引起關注，反而係官員同政府會更加想知道香港情況係點樣，所以先更加需要（就反修例運動作）國際遊說」，希望國際政府採取措施去迫使香港政府回應市民訴求，包括「撤回修例草案」及「落實雙普選」，陳梓華指：「當時對話已經無講過五大訴求嗰啲」。
10:20 籌辦「監選團」欠資金 李宇軒暗示陳找黎智英與Mark Simon協助
陳梓華稱在2019年11月24日、香港區議會選舉前，李宇軒曾透過Telegram致電自己，表示會籌辦「一個監察區議會選舉嘅行動」，及後表示「唔夠錢搞」，「問佢差幾多錢」、「佢話25萬」，當時陳梓華表示要「諗諗辦法喎」，而李宇軒則稱「你問下人啦」。陳梓華稱雖然李宇軒沒有明言，但明白「佢暗示我揾黎智英同Mark Simon幫手」。
陳梓華續稱，於是他就此事聯終Mark Simon，Mark Simon「好有興趣」及想知道更多行動內容。陳梓華便再聯絡李宇軒了解，李宇軒透露「本身只係有1個議員想嚟到香港監察選舉」，「但佢哋個團隊、應該係攬炒團隊，決定將佢發大嚟搞」，所以開始邀請議員來港，包括英國、澳洲、日本及美國，李宇軒「先需要再多25萬畀支出」，並表示「佢自己畀唔到啦」。
陳梓華稱後來從李宇軒處收到來港議員名單，便轉發給Mark Simon，其後Mark Simon致電及問「Lord Alton（英國上議院議員奧爾頓勳爵）都嚟？」，確認奧爾頓勳爵亦會來港後，Mark Simon便表示「我地會大力支持」。
陳梓華向Mark Simon提供李宇軒的銀行戶口，後來得悉「畀左個double（雙倍），50萬最尾」，陳梓華稱當時Mark Simon指「會直接同李宇軒傾」，「我諗佢哋應該係自己傾」。
陳梓華又解釋，他是從李宇軒口中得知Mark Simon轉賬了50萬元，「我當時講左句，佢（Mark Simon）都無咁樣畀過50萬我」、「我就話你（李宇軒）好犀利」，而李宇軒又指「呢樣都唔犀利呀，另一個人仲resourceful」，李宇軒當時指的是Wilson Lee（李宗澤）、「佢可以arrange（安排）到啲酒店，畀佢哋搞呢場EOM（Election Observation Mission，監選團）；李宇軒當時問陳梓華是否認識李宗澤，陳梓華表示不認識。
10:00 開庭
陳梓華身穿灰色西裝、白色裇衫，蓄黑色短髮及戴上金屬幼框眼鏡，在3名懲教人員陪同下，從法庭特別通道走到證人席就坐。
控方重提陳梓華在2019年11月27日與黎智英的會面。陳梓華稱在兩人討論中，黎智英有提過張崑陽，但「唔係淨係見過張崑陽」、「都見過唔同嘅年青人」，陳梓華稱黎智英「只係特別強調左張崑陽」。
陳梓華指黎智英不贊成年青人組新政黨
陳梓華稱黎智英當時表示「支持本土（派）嘅力量」，黎智英亦提到社會上有另起爐灶、建立新黨派的聲音，但黎智英不贊成，指「歷史上嘅經驗係，如果當啲年青人去自己再組成政黨嘅話，就會令個社會運動變質」，黎智英認為「應該都係以泛民嘅思想為中心，去爭取民主」，並表示可以提供支援。
控方又問起，兩人在討論中提到「街頭」、「議會」及「國際」力量結合，上述3者分別代表甚麼。
黎智英欲建立一個領袖團隊
陳梓華稱街頭是指「街頭上面嘅遊行、示威者」、「我諗包括埋勇武派」；議會包括區議員、立法會議員及「即將嚟緊嘅立法會選舉」；國際指的「相信就係國際線」，包括「做緊國際游說嘅人」、海外「抗爭者」及「爭取緊當地支持嘅人」。
控方問到，黎智英有否提出如何結合3者力量。陳梓華稱「佢就話想建立一個領袖團隊，而呢個領袖團隊就分別來自呢3個唔同版塊」。
案件編號：HCCC51/2022
法庭記者：劉曉曦 王仁昌
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
