《東張西望》連日來報道一名曾犯多宗風化案的寵物KOL謝先生，被多名女子指控強姦、偷拍性愛片及傳播性病。今日（18日）節目終於播出謝先生回應的片段，他承認好色及用借口哄女子回家，不過他堅決否認強姦等指控，亦否認早知伴侶未成年，更反勸：「我話你聽，你叫佢小心啲，叫佢唔好亂嚟啦！唔好亂咁上男仔屋企，我話畀你聽，大家都有責任。」
相關閱讀：東張西望丨KOL疑強姦少女傳性病！13歲女受害被逼做一姿勢 涉事者女友聽惡行情緒激動
寵物KOL現身反擊強姦等指控：
《東張西望》近日報道一名曾犯多宗風化案的男子，出獄後成為寵物KOL，被指控以回家看小動物為由，誘騙女子發生性關係，更被指偷拍性交過程，而其中最年輕的受害人僅13歲。受害的女子都表示因擔心性愛片流出而沒有報警，而被侵犯時亦因為太害怕所以就範。
謝先生：無人未試過唔鹹濕
今晚《東張西望》上門找涉事謝先生，起初他拒受訪，更不搭升降機，改為行樓梯。及後謝先生站於家中門後一一否認指控，他表示：「我講真嘅，你有證據就報警！」對於如此嚴重的指控，謝先生表示好無奈：「記者朋友，你都係男人，我都係男人，無人未試過唔鹹濕。我自己做錯過任何嘢，我已經承受咗我所謂嘅責任。」對於種種指控，他表示已找律師處理。
相關閱讀：東張西望丨紋身男非禮出獄涉誘拐逾20少女 13歲女童控訴慘被奪初夜兼偷拍
謝先生疑曾承認偷拍突反口？
謝先生續指：「如果真係有偷拍，一定有證據，差人會拉我，我而家唔會喺度同你講嘢啦！」不過有受害人反駁，其實是擔心影片外流而不敢輕舉妄動，而且在受害人提供的WhatsApp對話截圖顯示，疑似謝先生曾被女方質問：「諗唔明點解你要喺房set機偷影我。」疑似謝先生表示：「我以為你已經放低咗，如果你都係放唔低，我唔會逼你。始終我真係做錯，我可以消失，唔使再令你擔心。」疑似承認曾偷拍。但謝先生受訪時則否認：「我發誓同你講我一定絕對沒有，就係咁簡單。咁嚴重嘅指控留返警方調查。呢啲嘢……我話你聽，唔係你話呢個講、嗰個講，多人去報警咁就話係！我話畀你聽好多人都好憎我。」
被指控強姦傳性病KOL女友現身：
謝先生堅稱女方自願發生關係
謝先生又主動提到一名指控他的女子，指對方是自願發生關係，「佢自願地去發生性行為，佢上嚟我屋企，大家有攬有錫，跟住佢話咗畀我聽佢係處女。第二、三次佢入嚟，佢係主動㗎！之後佢突然走返屋企，冇再搵我，第二日佢就話要自殺，嗰時我已經……之後搵返佢……問佢有咩可以同我講㗎！之後佢就冇再搵我啦！」《東張西望》再致電該女子了解事件，她表示：「其實當日佢騷擾完我之後，我已經冇再同佢聯絡。亦都符合返我之前所講，輕生、食抑鬱藥嘅受害人唔止一個。我覺得佢已經將一啲……即係曾經同佢交往嘅對象，同一啲受害人混為一談，從而覺得自己冇錯。」
相關閱讀：東張西望丨曾犯非禮案紋身男出獄「改頭換面」做網紅 疑誘騙逾20少女性交兼傳播性病
謝先生稱不知有伴侶未成年
對於有一位13歲女童自稱受害，謝先生指不知情：「你話16歲未夠，唔通真係要攞張身份證嚟睇咩？當然！呢樣嘢係冇得講嘅，就算同意下與未成年少女發生性行為都係犯法，但我話畀你聽，呢樣嘢我真係答你唔到。（主持：但有啲受害人話同咗你講佢得13歲咋喎？）黐線，口頭講同面對面講係兩回事嚟，你可以喺對話度……係咪一定係我？呢啲都係無法證實嘅嘢。」而受訪期間，謝先生媽媽回家，她被問及是否曾有少女於其家中遺失金錢，她表示沒有。據《東張西望》指，謝先生曾犯下多宗風化案，當中多位受害人均未成年，曾入獄的謝先生承認自己曾犯錯，表示自己不是好人：「我已經係一個壞咗嘅人。」但表示現時已洗心革面。
相關閱讀：東張西望丨健身教練控訴被逼提供性服務！疑似同性戀神父半裸按摩 女教練遭抽水
KOL誘騙少女前情提要？
