因醫療事故變成植物人逾3年的8歲女童周天瑜，上月10日不幸離世，今日天瑜爸爸為她在鑽石山殯儀館設靈，並設公眾弔唁。天瑜爸爸今早接受《東張西望》訪問，提到天瑜離世後曾夢見女兒，期間更一度講到哽咽。
相關閱讀：東張西望丨天瑜爸爸澄清無決定為女拔喉！含淚回想喪女一刻：佢好用力睜眼望我哋
東張西望丨天瑜爸爸送別愛女：
天瑜爸爸透露，現時心情已經平復了不少：「佢走咗開頭幾日，心情起伏會大少少，之後我哋都好快消化咗呢個消息。上年年底醫生同我哋講佢身體開始轉差，我哋都有心理準備，而且我哋覺得已經咁多年睇住佢咁辛苦，咁嘅結果可能對佢來講係一種解脫。」
不過天瑜爸爸表示，仍然係掛念女兒：「好掛住佢，成日睇佢啲相。」天瑜爸爸更表示曾夢見過女兒兩、三次：「印象最深刻一次係，佢離開大概三日，我夢見佢坐一架男色嘅巴士，係天上面飛過，嗰時有兩個佢企喺巴士最後，揮手同我講Bye bye，一個係病咗、無頭髮嘅佢，一個係健康嘅佢，紮住孖辮，好得意咁企喺度，兩個佢好開心咁同我bye bye，我印象好深刻。」
天瑜爸爸續言：「醒咗之後，我真係兩行眼淚，喺度喊晒，好唔捨得。不過起碼夢入面，覺得佢係好開心嘅一個道別，可能我心理上都會覺得佢特登嚟同我講bye bye。」
天瑜爸爸表示：「以前喺佢床邊，每日都會同佢講，我哋身邊發生咩，今次我哋都最後一次同佢講，爸爸最近生活，都話畀佢聽我身體狀況係點，話畀佢聽我哋會永遠掛住佢，唔會忘記佢，同埋我好期望喺天堂見到佢。」期間天瑜爸爸更一度講到哽咽。
身患癌症的天瑜爸爸又透露目前病況已好轉：「報告唔錯，以前發現癌細胞嘅地方，例如手臂、肺部都已經冇晒癌細胞。」而現今天瑜爸爸最大的心願，就是希望家人生活能夠回復正常：「從2018年阿女患癌開始，我哋屋企生活已經亂晒。」天瑜爸爸亦表示對醫管局、瑪麗醫院的不滿說：「雖然佢人走咗，就係因為人走咗，到而家醫管局、瑪麗醫院對呢件事都冇合理解釋、滿意交代，我覺得係唔能夠接受。」
其他文章：
東張西望丨黎寬怡親回風化案KOL個案4大疑問 無懼惡評為受害少女平反：絕不後悔
東張西望丨風化案KOL落馬洲離港被捕！直認曾性上癮逾200性伴：有時一日兩個
東張西望丨女神黎寬怡全副武裝清垃圾屋！驚見「曱甴王」巨鼠 險被砸中超驚險
東張西望丨內地導遊推介黃家駒墳前打卡！樂迷炮轟不尊重 連遊客都唔支持
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
