在沙田源禾遊樂場進入沙井工作期間疑吸入硫化氫死亡的34歲李凱威，一家四口住馬鞍山一屋邨單位，其父親昨（22日)深夜接獲兒子同學的通知，趕到醫院方知愛兒搶救不治。李父透露只知兒子做渠務，但不知他要落井工作，感嘆「如果知道佢要落井，一定唔畀佢做！」
李父與妻育有兩子，凱威是長子，對下有一弟，都已出身工作，一家四口平凡過活，豈料凱威英年早逝，白頭人送黑頭人，李父談起兒子生前點滴一臉無奈。他說凱威之前做三行，泥水、燒焊都做過，「其實佢做邊行都冇所謂，我之前都唔知佢做渠務，佢冇同我講，我都唔知渠務係做乜嘢，仲以為喺街邊通渠，如果知道要落（沙）井，一定唔畀佢做！」
他又質疑兒子即使要落沙井工作，應有主管「跟尾」，「點解會走漏眼？嗰個沙井好窄，一個人落去都好難，判頭要人做呢啲嘢，首先應該要俾個錶（探測儀）量吓有冇毒氣，我懷疑佢哋都冇戴罩（呼吸器具）。」事故發生後渠務署發聲明指有關工程原不需要落井工作，但為何凱威與另一工友竟要落井工作呢?他希望負責人可作出解釋。
相關新聞：沙田源禾路渠務工程4工人疑吸入沼氣 2人暈倒沙井內送院不治
相關新聞：沙田渠務奪命意外｜渠務署長：對2工人身亡感悲痛 全力配合勞工處及警方調查
李父指凱威在肇事公司做渠務一年多，「佢初初做三行，話要擒出棚架，又唔戴得安全帶，我話咁你唔好做啦，寧願搵過第二份工，我話唔係等你錢洗。」李父說兒子內向，一放工便回家，「佢唔出街，一個月最多去一、兩次，都係同以前啲工友或者同學出去。」一日三餐都是家人替他買，每月會給數千元家用。
他又凱威工作勤力，「佢就算病咗都返工，以前做職業訓練，即使病咗都堅持返工。」他說兒子公司已與他聯絡，商談賠償事宜，而警方重案組亦登門調查，帶走凱威的手機，李父說，去年9月西九龍柯士甸道地盤同樣發生兩工人被困地底管道的奪命意外，他質疑「明知咁樣都仲要落去，應該要探錶測試有冇沼氣」，對於接二連三發生慘劇，仍未能汲取教訓表示痛心。
另一名姓郭（26歲）男死者，其家人表示等待警方調查結果，家人暫不接受訪問。其家門外神位被紙掩蓋及燃點白蠟燭悼念。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
