羅啟豪慘被黑粉抺黑半年谷氣狂呻，被老屈掠水搵Fans笨兼人身攻擊。
Previous Next

近日「姜神」Fans因接機霸位問題大打出手，搞到兩位偶像好頭痕，之前「鏡仔」Edan (呂爵安)及Alton(王智德)的FC又因內訌被逼停運。原來羅啟豪同樣受到fans事件困擾，幾位被逐的FC黑粉，因愛成恨，近半年在網上惡意狙擊他，直指他及FC掠水，甚至作出人身攻擊。一向少言的羅啟豪都忍唔住狂呻，更奉勸黑粉遠離佢：「唔開心嘅嘢唔好睇，無謂令自己更加唔高興。」採訪：方騫平 攝影：羅安強 場地：PMQ

溫文嘅羅啟豪都俾黑粉激到有火。
溫文嘅羅啟豪都俾黑粉激到有火。
羅啟豪出道一周年。
羅啟豪出道一周年。
羅啟豪堅持要做好自己。
羅啟豪堅持要做好自己。
羅啟豪被黑粉事件困擾半年。
羅啟豪被黑粉事件困擾半年。
羅啟豪望fans多體諒歌迷會幹事。
羅啟豪望fans多體諒歌迷會幹事。
羅啟豪被粉絲爭風呷醋。
羅啟豪被粉絲爭風呷醋。

《中年好聲音》季軍羅啟豪趁住出道一周年，推出處男原創歌《相信相信》，更邀得倫永亮作曲、周耀輝填詞，唱出參加歌唱比賽後成功克服社恐的心聲，希望能鼓勵同路人，只要相信就會夢境成真。

羅啟豪趁出道一周年，推出原創歌《相信相信》。
羅啟豪趁出道一周年，推出原創歌《相信相信》。
新歌拍埋MV。
新歌拍埋MV。
去年參加《中年好聲音》成功克服社恐。
去年參加《中年好聲音》成功克服社恐。
第一屆《中年好聲音》冠軍周吉佩、亞軍李佳及季軍羅啟豪發展唔錯。
第一屆《中年好聲音》冠軍周吉佩、亞軍李佳及季軍羅啟豪發展唔錯。
《中年好聲音》剛一周年，「中1生」約埋聚餐。
《中年好聲音》剛一周年，「中1生」約埋聚餐。

怕犯家規大學前禁粗口

回想當年社恐嚴重時期，羅啟豪睇過心理醫生及接受催眠治療，但狀況更差，行一步退兩步，完全幫唔到手：「最記得8歲時媽媽叫我喺宴會上，對住幾百位uncle、aunie唱歌，我匿喺枱底驚到想死，父母都冇我辦法。」他相信性格內斂跟家庭因素有關：「父母喺我成長過程中特別注重禮儀，尤其餐桌上，屋企人講嘢斯文有禮，亦唔識得嬲人及鬧人，以前經常被朋友利用。由於講粗口係犯家規，所以讀大學後才敢講粗口發洩情緒。」

家住半山嘅羅啟豪，家教好嚴，唔俾講粗口。
家住半山嘅羅啟豪，家教好嚴，唔俾講粗口。

黑粉斥FC掠水消費歌迷

正當「豪吧」(歌迷會)成立一周年，唔識得嬲人的羅啟豪都俾黑粉激到有啲火，不吐不快：「有幾位犯咗規俾Admin踼出會嘅『豪殼』(fans)怪我冇出聲，所以發脾氣怒剪會服後，呢幾個月keep住用10多個假帳戶，喺網上群組瘋狂出po抹黑我及Admin負責人，唱我哋掠水，指《相信相信40+1音樂會》$680門票太貴；又彈製作電子MV書送畀DJ做宣傳係搵Fans笨，消費歌迷啲錢…就算呢年來FC營運得有聲有色，仍被針對攻擊，留言忠告『中2生』唔好將FC搞成『豪吧』咁。」羅啟豪呻到停唔到，「仲會轟我經常將社恐話題掛喺口邊，留言『你唔悶我都悶啦！』又踩多一腳斥我唱歌得一個tone好悶，被形象相似嘅譚輝智揮低、甚至挖埋皮膚病嚟講。」

羅啟豪近半年喺咁被黑粉狙擊。
羅啟豪近半年喺咁被黑粉狙擊。
又指他被譚輝智揮低。
又指他被譚輝智揮低。
彈埋新歌。
彈埋新歌。
黑粉不停喺網上惡意抹黑。
黑粉不停喺網上惡意抹黑。
去年底羅啟豪在麥花臣舉行處男個唱，最高票價係$880 。
去年底羅啟豪在麥花臣舉行處男個唱，最高票價係$880 。
做偶像唔容易，要娛樂歌迷仲要花心力照顧佢哋感受。
做偶像唔容易，要娛樂歌迷仲要花心力照顧佢哋感受。
王智德FC因內訌被逼停運，換屆重新開始。
王智德FC因內訌被逼停運，換屆重新開始。
Alton(王智德)的FC又因內訌被逼停運。
Alton(王智德)的FC又因內訌被逼停運。
幸而盧瀚霆、姜濤未受fan事件傷兄弟情。
幸而盧瀚霆、姜濤未受fan事件傷兄弟情。
就「姜神」Fans衝突事件，姜濤開直播道歉。
就「姜神」Fans衝突事件，姜濤開直播道歉。

望跟輝智組兄弟班切磋

啟豪澄清其實「豪吧」從冇收會費，「豪殼」係可自由選擇參與活動。不過，嬲嬲豬嘅啟豪忍唔住為真歌迷發聲：「我啲Fans好高質，佢哋從來唔會抨擊戰友，大家互相扶持，唔會比較。」他坦言見到惡意中傷會唔開心及心痛，只能提醒自己盡量做好本分，唔好受到影響，更有感而發：「因為呢類人，令到有啲FC都要停運，其實經營FC係唔容易嘅事，只要大家對Admin肯包容多啲，會好好多。」對於Fans爭風呷醋，他無奈笑說：「可能呢個只係頭盤，𠵱家仲要好好學習。不過，既然黑粉咁唔鍾意我，奉勸佢哋搵鍾意嘅歌手嚟支持，人生有咁多煩惱，唔開心嘅嘢唔好睇，無謂令到自己更加唔高興。」談及「中2生」出道，啟豪坦言會分薄機會，唯有自製機會：「希望組成『靦腆兄弟』，跟背景相似嘅譚輝智切磋吓，輝智好勁，適應力比我更快。」

羅啟豪日前慶祝FC「豪吧」成立一周年。
羅啟豪日前慶祝FC「豪吧」成立一周年。
《相信相信40+1音樂會》中啟豪宣告官方刊物誕生。
《相信相信40+1音樂會》中啟豪宣告官方刊物誕生。
《相信相信40+1音樂會》中慶祝40歲生日。
《相信相信40+1音樂會》中慶祝40歲生日。
由歌迷001及1001代表送上生日蛋糕。
由歌迷001及1001代表送上生日蛋糕。
跟Fans握手互動。
跟Fans握手互動。
獲「豪殼」全力支持。
獲「豪殼」全力支持。
啟豪fans好高質。
啟豪fans好高質。
啟豪有好多鐵粉。
啟豪有好多鐵粉。
羅啟豪跟譚輝智背景相似，同樣家底豐厚。
羅啟豪跟譚輝智背景相似，同樣家底豐厚。
「中2生」出道，啟豪坦言會分薄機會。
「中2生」出道，啟豪坦言會分薄機會。
羅啟豪跟古淖文互相支持。
羅啟豪跟古淖文互相支持。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow