連詩雅今日（3日）與彭秀慧到尖沙咀出席美容活動，已懷孕7個月的連詩雅身穿粉紅長裙及2吋粗踭鞋現身，雖然從正面睇她身體仍然纖瘦，孕肚不太明顯，但明顯上圍升級，而從側面看身形變厚。連詩雅受訪時笑言現在無論體重和上圍也是人生高峰，問到老公陳家樂是否很開心？她笑說：「冇，佢冇乜留意，佢只係知我整個人都大份咗。」她指現時就不敢上磅，所以實際重了多少自己也不知道，她又指懷孕初期食得很狂妄，而現時在食方面會食得精一點：「會食啲高蛋白嘅嘢，食啲長胎唔長媽媽嘅，我都好緊張，因為我唔想肥太多，但又想BB健康，BB依家係中碼BB，所以都好感恩。」
她指現時會選擇吃高質食品，同時也會做行一個鐘路當做運動，提到她的背影完全不像孕婦，她指老公也很擔心，叫她着啲衫要盡量見肚：「我明白，但我覺得最緊要時髦同有型，佢又問我搭車時可唔可以攞個肚出嚟，我個肚佗得比較低，所以着鬆身衫時唔係好見，我去銀行或搭車都畀人懷疑我係咪有咗。」連詩雅笑言懷孕後發現銀行原來有給孕婦排的隊伍，不過她表示問職員的時候，對方則露出疑惑的眼神：「我即時挺起個肚同佢講我已經6個幾月，有時搭地鐵企得耐條腰好攰好痛，我坐關愛座都會唔好意思，會刻意凸個肚出嚟。」
連詩雅指預產期在7月中，問到何時停工，她則希望可工作到最後一刻，又表示仍未準備嬰兒用品，幸好有贊助商指會送奶粉、尿片及大件的物品給她，而自己亦會看朋友們是否有東西給她可以重用。至於BB性別，連詩雅謂會做多兩次產檢後才會公布，現時BB的所有用品則統一用白色。連詩雅指老公已禁止她著斗零踭之餘，自己每次出門也會叫小心點及著她記得叫同事扶住，她謂老公有時間也會陪着她：「佢今日要開工，否則佢都會陪我，咁我都想佢有工開，啲奶粉錢靠佢。」
《星島申訴王》已推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
