54歲梁小冰晒命式公開結婚24年保甜秘訣自揭塵封秘密當年為梁朝偉選美丨獨家

54歲的梁小冰跟老公陳嘉輝齊拍TVB熱播劇《逆天奇案2》，演活坐監30年的落泊老婦角色。時隔26年重返娘家，梁小冰自揭收埋心底多年的小秘密，包括因為梁朝偉才加入TVB，雖然之後無緣合作，好彩仲有古天樂、郭富城、鄭伊健等當紥小生填補空虛，她更非常回味當年可以任摸白面古仔。郭晉安及歐倩怡昨日宣布結束18年婚姻，而小冰跟陳嘉輝結婚24年依然甜蜜，靚太更公開婚姻保甜秘訣，陳生把口甜得可怕。採訪：方騫平攝影：譚志光

梁小冰為拍《逆天2》激減16磅。

小冰係幸福女人。

未來都想拍多啲劇。

1990年港姐季軍梁小冰曾是當家花旦，7年間演過《血璽金刀》、《鹿鼎記》等32部經典古裝劇，被封「古裝皇后」，至1997年約滿轉往內地發展。今次重返TVB除因相識30年的幕後團隊外，還因角色跟真人性格反差好大，好有挑戰性。

1991年首拍古裝劇《血璽金刀》已做女一，跟22歲做男二的鄭伊健合作。

同嫩版鄭伊健拍古裝劇《血璽金刀》。

鄭伊健嬲豬樣。

1993年跟21歲黎姿上少林寺拍《武尊少林》。

1995年，小冰經跟華仔拍特備節目《香港情未了》演兩公婆。

劇中擔心當差嘅老公安危。

拍過李克勤MV。

同小生張衛健合作過。

《鹿鼎記》梁小冰飾演「阿珂」。

梁小冰跟徐濠縈、鄺文珣、陳安琪、馮曉文、劉玉翠、陳少霞做小春老婆。

古代美人出浴。

被封「古裝皇后」。

12年前為港視拍《導火新聞線》。

演有氣場傳媒女高層。

和楊千嬅到澳州旅遊特輯。

2000年梁小冰跟老公陳嘉輝再合作台劇《少年梁祝》。

劇中仲有羅志祥。

懶湊仔有老公頂住

不論戲裡戲外，小冰都大讚結婚24年的老公，是將她由地獄帶進天堂的白馬王子，「今次拍劇有佢無微不至咁照顧，婚後由管家、湊仔、到管教全部係佢，我只係負責煮飯…煲劇起唔到身湊仔返學，哈！唔好意思囉，而且自己好瞓得，起身後咪側側膊，同佢講要買餸煮飯，佢又OK喎。」小冰唔停口讚老公：「佢瞓醒就讚『老婆你今日真係好靚』，又會從後攬住我話『老婆你好Fit，點解條腰咁瘦嘅？』」

小冰和嘉輝一家3口好幸福。

2007年5月小冰產子。

嘉輝眼中大肚小冰依然好靚。

多年來兩公婆形影不離。

24年前結婚。

情深一吻。

當年婚宴現場。

嘉輝好寵妻。

婚前忙到要喺工作地方拍拖。

小冰公開兩公婆甜蜜保鮮方法。

嘉輝多年來日日讚她好靚。

嘉輝是將小冰由地獄帶進天堂的白馬王子。

每日都𠱁到小冰好開心。

嘉輝照顧小冰無微不至。

有一致嘅開心笑容。

感動出山冇被嫌老

對於重出江湖好評如潮，小冰感動到眼有淚光：「睇觀眾留言『掛住我』、『讚我好戲』、『仲話睇唔夠，想睇我多啲拍戲。』嗰種甜，睇見都標眼淚，我都快60歲喇，原來佢哋睇住我長大，冇嫌我老及肥…」小冰更拍心口承諾，如果觀眾想睇，會拍多啲TVB劇：「李司棋、黃淑儀40幾歲就演媽媽角色，自己都唔介意演，大家盡情搵我啦。」

梁小冰拍《逆天2》演技大爆發。

造型好爆。

演活坐監30年的落泊老婦角色。

時隔26年重返娘家拍劇。

感動出山冇被嫌老。

演得投入。

重出江湖有老公照住。

重出江湖跟老公陳嘉輝拍住上。

翻Hit的小冰想當年，她自爆一件憾事：「20歲時一鼓作氣着泳衣參選港姐，口話想做演員，其實係想同梁朝偉一齊拍劇，因為五虎將紅到爆，但我1990年入到去，偉仔啱啱走咗喇，呢種擦身而過嘅感覺，𠵱家都飲恨緊，始終佢現時級數同以前差天共地，唔易接觸到。」但小冰唔死心，繼續力Sell自己：「不過，現階段我嘅成熟度，係拍到梁朝偉及周潤發。」

20歲選港姐的小冰，表演轉帽時失手，順勢坐地擺甫士獲讚。

小冰當年得22吋蛇腰。

當年做女時體重得93磅。

1990年港姐冠軍袁詠儀，亞軍翁杏蘭和季軍梁小冰。

1989年26歲的梁朝偉和鄧萃雯拍《俠客行》。

1989年梁朝偉拍《俠客行》。

15歲跳芭蕾舞。

精靈少女。

小冰一出道便受力捧。

城城古仔依然靚仔

雖然同偉仔冇緣份，但小冰慶幸也曾跟TVB當家小生古天樂及郭富城拍過劇，最難忘《圓月彎刀》中奉旨摸24歲古天樂的「牛奶白皮膚」，時至今日小冰諗返起都會笑：「嗰時佢係白色(皮膚)稀有品種，喺我心目中𠵱家古仔都係咁靚，從來冇變過，只係顏色係黑定白啫，所以呢套劇紅遍中台兩地。」小冰又大讚古仔係非常認真嘅演員，每場都會用真眼淚：「有場戲嘅對白係『我想最後一次見到你嘅時候，摸清楚你塊面…』然後由額頭摸到落佢鼻哥、嘴巴及下巴。」問到手感如何？她大笑說：「咁個鼻梗係硬啦，但好滑溜。」至於32年前跟影帝郭富城合作古裝劇《風之刀》，小冰依然好記得，「當年26歲嘅城城好愛玩，得閒會用條繩篤吓你，直至23年後再合作電影《踏血尋梅》，感覺彷如隔世，𠵱家城城成熟咗好多，拍戲時穩重到不苟言笑，佢同古仔喺我眼中一樣咁靚仔。」另外，她又認為郭柏妍眼大大、眼仔碌碌好可愛，似足她當年出道，應該可以做古裝美人。