洪嘉豪今日於將軍澳舉行《Inner | Child》新碟簽唱會，吸引數百粉絲到場支持，場面墟冚。洪嘉豪除了唱出《黑玻璃》及《漫天星》外，更同粉絲玩插花及做動作估歌仔遊戲，而粉絲為慶祝洪嘉豪於本月14日出道六周年，特別送上3層蛋糕，蛋糕上有他6個不同造型，他在台上自認是飄忽的人，有時可能好幾個月也不回覆大家留言，所以多謝大家體諒。
對於出道六年，洪嘉豪表示沒有特別慶祝活動，因為每年這個日子與母親節及細佬生日也很接近，所以可能只會食餐飯慶祝，再加上之前演唱會搞了很多事情，所以也希望粉絲能夠休息。問他剛才為何如此唏噓，洪嘉豪謂覺得自已年紀大，以前認為出道五年，還有藉口可以犯錯及被原諒：「開完紅館，唔可以好似新人咁，冇藉口偷懶，所以都要加把勁。」
不覺得公司冷落MC
洪嘉豪指演唱會後放假約三星期，最初一星期很享受，但之後就覺得荒廢人生，所以上星期也繼續做健身及上音樂堂，希望唱歌可以保持水準。提到有報道指唱片公司將資源放在他身上而冷落同公司的MC張天賦，洪嘉豪即說：「唔會啦，佢二月先出完碟，大家都唔可以咁計，新人Nancy（歸綽嶢）個個MV都出國拍，我啱啱嗰首《黑玻璃》先去日本拍MV，雖然反應幾好，不過下次可能都係返荔枝角。」對於CHILL CLUB頒獎禮明晚舉行，問他是否有信心？他表示順其自然，有就開心冇就繼續努力，又指稍後將會有新挑戰，不過就沒有透露詳情，只暗示是音樂劇。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
