姚焯菲（Chantel） 早前趁學校假期又返港出新歌《Dreamscape》，今次由鋼琴老師TonYnoT為她度身訂造輕快曲風，因面臨畢業試，今年9月18歲生日的她未必能盡情慶祝，另外Chantel透露隨時跟詹天文做伯克萊音樂學院校友。採訪：杜杜 攝影：譚志光 髮型:Hugo Poon@PRIVATE i salon 化妝:King Yip@Kings Makeup場地:Mira Place
Chantel表示《Dreamscape》是入行以來最鍾意的歌，因為主題由她構思，「好想有首歌係好繽紛party feel，講同朋友過一個好開心嘅晚上，have fun。」因為近期忙於功課未有機會玩，加上快將生日，Chantel於是憑歌寄意，「踏入18歲係需要慶祝嘅日子，好開心去派對，暫時逃離現實放低學業，現實冇可能做到，就用呢首歌當實現咗。」
10月返港大肆慶祝生日
Chantel早已計劃18歲慶生活動，但因考試或要變陣，「9月我係考緊試，好似正日（22日）仲考緊，有機會係最後1日，但就算考緊都會畀自己放縱1日，希望爹哋媽咪可以嚟陪我，但唔會玩得太癲喪，飲得酒都唔好飲，可能要等到10月返嚟先好好慶祝，會搞party，細節未諗，都當埋慶祝畢業。」問她會否預埋粉絲一齊玩？她即有點尷尬：「嘩！呢啲真係要返嚟再諗喎！哈哈！希望fans club會搞，大家一齊慶祝。」
講到After Class好姐妹詹天文獲美國著名伯克萊音樂學院取錄，並獲主動提供8.000美元（約6.2萬港元）的獎學金，Chantel好戥對方開心，更預告兩人隨時做校友，「我即刻message佢，我哋之前有傾過，知道大家會報呢間學校，當然我未報得，因12月先畢業，報名時間會後啲，我會遲佢1年先入大學，知佢會睇埋學校成績先決定，如果我哋真係讀埋同一間學校就好搞笑。」她稱已有個報學校list，有香港、美國同英國，會讀business或者music business的方向。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
