家住葵芳邨的城巴59歲姓黃女站長，疑因患心臟病擔心無力照顧32歲中度智障的兒子，在母親節（12日）留遺書攬同愛兒於葵仁樓寓所內燒炭，共赴黃泉。同事們聞噩耗均感傷心難過，形容黃女生前為人樂觀勤奮，每當「提到個仔都開心」，萬料不到會發生悲劇，「疫情捱過咗，心臟做咗搭橋手術，都捱過咗」，大歎惋惜和無奈。
黃女生前任職城巴站長，駐北角總站，工作超過25年，同事們都暱稱她「Can姐」。由99年入職便認識黃女的車長同事趙先生，直言昨晚深夜收到噩耗感到很突然，「自己返到屋企喊咗成晚，今日都攞咗假要休息」；其他很多同事亦表現傷心，「話就話冇嘢，但大家男人，點會講出嚟吖」。
他形容黃女「在公在私都係好媽咪、好朋友」，並憶述對黃女最難忘的印象是她工作有能力、勤奮且盡責，尤其是當過往遇上社運或打風等混亂日子，「佢做一個女人仔，出面立立亂，佢控制到啲車班次，控制到啲車長點做嘢，畀起第二個人真係亂晒」，令人佩服。
同樣與黃女共事逾25年的車長李先生，對發生悲劇亦表示難過，「一定唔開心嘅，始終咁多年同事」、「都瞓唔着，晏晝想食嘢，唔開心都食唔落」。據知黃女生前患有心臟病，兒子患中度智障，但李車長指黃女生前為人樂觀積極，更沒有介懷愛兒的問題，直指她「湊住個仔都30幾年啦」，「提到個仔都開心嘅」。李車長懷疑黃女日常較少與其他人傾談心底話，歎謂：「疫情捱過咗，心臟做咗搭橋手術，都捱過咗，點解最後諗唔通」，以致因一念之差發生悲劇。
另一名姓潘女車長亦提及黃女生前為人開朗，樂於助人，喜歡烹飪及旅遊，曾經帶糖水食品返總站與同事分享；去年3月亦一起到內地旅遊，可惜因為要照顧兒子不能遠行太久。
相關新聞：葵芳邨雙屍｜城巴女站長疑患心臟病 憂無力照顧智障兒 母親節留遺書燒炭雙亡
相關新聞：珍惜生命│葵芳邨母子單位內燒炭 雙雙斃命 警列謀殺及自殺案
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
