TVB節目《東張西望》近日報道何伯閃娶年輕逾30歲內地婦事件掀起全城關注，當中網民最關心的是何伯能否奪回被細女調走的450萬元，以及何家五子女有否權向新何太「索償」，昨晚（15日）《東張西望》於網上釋出最新影片拆解大眾一一疑問。
相關閱讀：東張西望丨何伯何太佛誕外出被捕獲！網民見一舉動感驚訝 質疑鏡頭前扮恩愛？
大律師陸偉雄拆解何伯何太爭產風波 ：
何伯夫婦日前再次接受TVB節目《東張西望》訪問。
何伯與何太槍口一致對外，認定何伯的子女貪圖何伯的家產。
何伯指批評他們的人並不了解他的家事，又再於鏡頭前狠批子女貪財。
對於子女不支持他再婚，他表示：「我帶錯咗佢哋嚟呢個世界，點知佢哋個心咁，攞晒我啲錢走，想我死！根本想我死！」
何太指：「佢娶個女人唔係我，佢哋一樣反對，你信唔信？因為為咗繼承權囉！因為我名正言順，成為咗合法夫妻嘅話，佢哋就冇咗繼承權，所以佢哋咪先落手為強，捲走晒我老公啲錢，等我老公一分錢伙食都冇。」
雖然現時何伯儲蓄只剩4200元，但有骨氣的何太為了不令人覺得她為錢而嫁何伯，她出私己錢養起老公。
何太表示：「我頂唔順呀！因為我係好注重名聲嘅人！邪不能勝正！我哋為人正直！我哋會堅持走正確的路。」
外界對於何太想何伯拿出100萬元做生意，因而質疑何太的為人，二人解釋本打算用100萬元做飲食生意。
本月13日Facebook群組「何伯&何伯老婆關注組」流傳一則匿名發文，聲稱是何家子女代表發聲：「當日從銀行提取港幣四百五十萬款項只為維護我家何姓自身權益，而家父日後的生活所需我們當然會負責到底，至於家父續弦再娶的我們一致表決不會，亦無必要及義務責任供養。」
翌日（14日）一名聲稱是新何太的匿名者亦於群組發功，並以簡體字留言：「何伯的錢是我們的，絕對要拿回來，女兒這是偷竊行為，為甚麽你們反而支持。」
大律師陸偉雄（左）近日接受《東張西望》訪問。
大律師陸偉雄（左）指，理論上何伯可透過法律途徑取回450萬元積蓄，但實際上難度甚高。
大律師陸偉雄續指，要視乎當初何伯為何跟細女開聯名戶口，另要看450萬元積蓄會否部份屬於亡妻，故不能輕易斷定何伯能否取回這筆財產。
主持人提到疑似何家子女於Facebook群組公開「宣戰」，表明會以法律行動追討新何太向父親索得的財產。
大律師陸偉雄（左）坦言比較難，皆因夫婦倆有一紙婚約，新何太在法律上是何伯的合法妻子。
大律師陸偉雄（左）說：「所以丈夫送嘢畀太太係天經地義嘅事。」
日前，自稱何伯大仔的網民以匿名者身份在facebook群組「何伯＆何伯老婆關注組」發言。
疑似何伯的子女指戶口中有部份錢是子女給何伯的家用，而且已故何太亦有份幫何伯儲錢。
何伯表示：「佢哋一個錢都冇幫手搵，佢哋一個幾毫全部都冇存入銀行嗰度。」
何伯表示：「細個嗰時由我養大，供書教學，佢幾時有養過老竇，冇養過我。」
何伯表示：「嗰啲係我獨身一個……係我血汗錢嚟，佢哋一個仙都冇存入銀行。」
何太則回應疑似何伯子女指要向她追討何伯送她的禮物，何太表示：「追到㗎咩？我哋結婚收禮物，佢有咩資格去追討我呢？」
76歲何伯與新何太在屯門屋邨街市相識。
《東張西望》訪問街市報紙檔的陳生陳太，還原何伯與新何太的相識經過。
陳生與陳太指新何太在報紙檔對面擺臨時攤檔：「賣花膠、海味、花旗蔘，啱啱喺正報紙檔對面，擺15日，最後嗰日係年三十晚。」
陳生與陳太直言何太到街市已周圍跟人說：「離婚五年，同阿伯講想搵個男人，問有冇男人介紹畀佢，跟住就話自己有個18歲仔。」
陳太更表示，何太第一日就問何伯跟她是甚麼關係：「畀人嘅感覺，係咪父女嗰啲，咁我唔知啦，可能傾無謂嘢。」
陳太再爆街市的髮型師與何太互加微信。
陳太指髮型師只加何太微信，未有留手機號碼。
髮型師接受《東張》訪問直言：「我唔係懵，睇人咁多，一睇佢講嘢就知佢釣緊魚！」
陳太續指何太每日焗花旗蔘水、果皮水給何伯：「日日都有一壺畀佢。」又會剝橙俾何伯。
陳生續言：「我真係見到個女人擺明呃你，我都同佢好多次，佢話『唔係啲咁樣嘅人』。」
陳太表示當時何太擺檔15日，她勸足何伯15日：「隔籬擺檔、打工嘅都勸過佢，半個街市都勸過佢。」
陳生則說：「雖然我兩公婆唔係識你太耐，但日日都見到幾個鐘，你又當我哋好似啲仔女咁。」
《東張西望》昨晚在官方YouTube頻道發布加料版影片，攝製隊就「何伯之亂」諮詢大律師陸偉雄，對於細女調走聯名戶口中的450萬元，何伯夫婦公開指摘五子女欲爭家產，事件引發爭議，陸律師指，理論上何伯可透過法律途徑取回450萬元積蓄，但實際上難度甚高：「我哋要睇吓盤古初開何伯點解同個女開一個聯名戶口先，呢個好重要，因為聽所有資料顯示，何伯開聯名戶口係有個目的，就係想佢百年歸老過身後將啲錢畀個女去承繼番，而家個女提走啲錢都係符合何伯原本嘅意願，跟住要睇筆錢實際上係咪真係全部屬於何伯，可能呢筆錢係同前妻（亡妻）一齊儲番嚟，咁啲錢可能部分屬於前妻，所以正正有啲複雜嘅情況，就唔能夠一下子話何伯可以即刻攞番嗰450萬，仲有好多問題要解決咗先。」
東張西望丨何伯再婚故事：
76歲的老翁「何伯」與一名內地女士極速發生關係，隨即簽字結婚。不過何伯五名子女認為新後母只是想騙父親身家，因而關係決裂。
76歲何伯太太在9年前因病離世，留下何伯與五名子女。
何伯與子女多年來一直相處融洽，直至何伯近日再婚。
何伯指新何太在街市認識：「大家你眼望我眼，幾好」。
何伯還指兩人飲湯飲出感情。
兩人結婚，何伯與子女關係決裂。
何伯指想找個人服待自己。
原來兩人認識才一個多月，新何太就主動向何伯提出結婚。
新何太臉帶甜蜜笑意說：「同佢行密咗，發生咗啲關係，就決定結婚。」
何伯比何太大33年。
何伯更對新何太相當闊綽。
定情信物是價值逾13萬元、超過2卡的鑽戒；價值10.3萬的勞力士腕錶。
定情信物是價值逾13萬元、超過2卡的鑽戒；價值10.3萬的勞力士腕錶。
定情信物是價值逾13萬元、超過2卡的鑽戒；價值10.3萬的勞力士腕錶。
何伯指結婚後，五名子女態度立即大變：「佢話，點解識咗個女人，而家好多內地女人係呃錢。我諗我信得佢過，唔會𠱁我錢，我心目中佢唔係懷女人。」
何伯更明言：「冇擔心過，我一睇到佢就係老實人。」
原來何伯與新何太相識一個月，新何太已經叫何伯從定期戶口提早取出100萬做生意。
新何太即搭嘴：「想做餐飲，覺得香港餐飲業有得做。」
何伯2月19日去銀行想領錢時，卻發現戶口款項已經不翼而飛。
原來何伯的定期戶口與細女聯名。
不過事後職員又表示戶口中的450萬，已被女兒以本票形式匯走。
450萬是何伯的畢生積蓄。
何伯表示當時隨即致電細女，不過對他表示當時女兒跟他說：「你同佢雙宿雙棲啦，而家你戶口得返4,200蚊。」
節目亦播出何伯、新何太與銀行職員的錄音，何伯再三問職員雙簽問題，而職員亦指是根據「白紙黑字」，內部亦已經查清楚。
銀行之後亦回覆指今次處理並無違規，不過何伯堅持：「我對你總行回覆非常唔滿意，因為定期戶口係雙簽，但係利息存摺就單簽，我覺得好清楚㗎喇！」
何伯細女調走聯名戶口中的450萬元，疑以此舉防爸爸受騙，但卻令一家人反目。
早前何伯染上新冠肺炎，子女亦都不聞不問。
對於供書教學多年得到如此回報，何伯表示心痛。
何伯仍感恩太太在身邊陪伴，他表示：「冇呢個老婆喺度我點算？邊個服侍我呀？」
何太指曾被何伯子女辱罵「姣X」、「臭X」、「大陸X」。
何伯現時居於太太家中，而他未搬之前其實是住在二仔家中。
因為何伯堅決跟何太閃婚，5位子女都以行動與爸爸劃清界線。
二仔將家中門鎖換掉，令何伯無法回家。
至於何伯細女，據何伯指她調走定期存款內的450萬元之後，沒有聽電話，上門亦拒絕見何伯。
何伯帶同《東張西望》到細女工作的醫院等細女，但都未能成功見面。
細女婿接到外父電話，亦用粗口「回敬」長輩。
何太受訪時多番落淚。
-->
