TVB節目《東張西望》連日報道76歲何伯與年輕逾30歲的內地婦「新何太」極速再婚的故事，何伯為新何太與五名仔女反目，掀起全城熱話。不少網民對幕後花絮感到好奇，當中有份採訪何伯何太的「東張女神」梁敏巧，便在社交網出帖文「何伯何太你問我答～」，公開採訪時的見聞，又提及對何伯、何太、何太18歲兒子的睇法。
相關閱讀：東張西望丨何太前夫疑反擊！否認曾虐待前妻 18歲子非親生 奉勸何伯：半年後你將會後悔莫及
東張西望丨梁敏巧開PO「何伯何太你問我答」爆料？
《東張西望》主持梁敏巧繼男主持魏柏豪後採訪何伯何太，不但見證二人「真愛」一面，又有幸睇到何太的行頭，當中的手袋、名錶、飾物，以及一對流星錘大的龍鳳鈪，令梁敏巧大開眼界。隨住《東張西望》昨晚（15日）播出終極篇，何伯何太的故事暫時告一段落，不少網民對二人被節目剪走的畫面感到好奇，梁敏巧便在IG開PO「你問我答」，親回網民有關何伯何太私下一面。
何伯五子女沒聯絡《東張》
有網民問梁敏巧：「會唔會叫何伯自己一個搵仔女傾，因為明知仔女最憎個新何太次次都旁實去搵仔女」，梁敏巧坦言：「搵到，傾到偈嘅話就唔使上東張了」。又有網民問：「點解佢哋班仔女唔肯接受東張訪問？因為佢哋都有呃公屋同阿伯老人津貼？」梁敏巧則認為：「我諗好多人都未必想將自己啲家事公諸於世俾世人討論。人哋點解唔肯接受訪問我就唔猜度原因啦」，梁敏巧所知五個仔女沒有聯絡過《東張西望》：「打咗畀佢哋好多好多次了，佢哋唔聽電話」。
相關閱讀：東張西望｜大律師拆解爭產風波 兩原因令何伯難奪450萬 子女無權向新何太追討？
何太兒子講錯嘢被刪減
節目中76歲的何伯自誇：「啲後生仔唔夠我嚟呀！」網民問梁敏巧：「鏡頭前何伯係咪曾經想除褲證明自己勁過後生仔？」她即否認：「無無無，講到激動，佢整理下件衫啫」。對於節目預告與最終播出的版本有落差，網民留言：「Cut咗好多，預告講嗰啲都冇咗，想問下cut咗嗰啲會唔會出街」，梁敏巧表示會幫大家問節目組，當中有人提到前晚預告疑出現何太母子「衝突」，最終在節目中消失：「早一晚唔係拍到何太囝囝講錯嘢，俾何太叫佢小心講嘢？」梁敏巧承認：「係呀！」不過梁敏巧提到對何太18歲的兒子感覺：「同囝囝傾偈覺得佢好純品，好真。」
梁敏巧不覺何伯無腦
對於第一次接觸何伯何太的感受，梁敏巧認為二人都忠於自己，被問到：「覺唔覺何伯無腦」，梁敏巧則謂：「唔覺」。又人又問到梁敏巧對何伯的家事看法，她直言：「只能說清官難審家庭事，沒有絕對對錯」、「呢刻佢哋開心快樂就好！」有網民問梁敏巧親眼所見又摸過何太的手袋飾物，問她覺得是否假貨，梁敏巧直認：「唔係專家唔夠膽講，不過啲袋就肯定係A貨」。
相關閱讀：東張西望丨何伯何太佛誕外出被捕獲！網民見一舉動感驚訝 質疑鏡頭前扮恩愛？
梁敏巧借用何太金句
至於何太指其他女人應該羨慕她有個愛錫自己的老公，梁敏巧認同：「何伯的確係義無反顧咁愛佢，我都想有個男人好似何伯咁無條件愛我！」梁敏巧在採訪過程中，見證何伯眼中只有何太，她認為愛情是不分年齡，不會感到丟人現眼：「覺得何伯好愛呢個新老婆，人都去到呢個年齡，難得仲搵到個真心喜歡又願意付出嘅，作為旁人又真係好難去干涉佢哋，只能夠用《反對無效》嚟總結佢哋嘅愛情。」有網民打趣問梁敏巧：「究竟你問何伯幾X重定幾両重」，梁敏巧借用何太金句：「喂呀！你用詞好啲好唔好」，對網民的問題有問必答。
相關閱讀：東張西望丨何太兒子預告稱阿叔臨老入花叢被喝罵 節目播出版本消失掀熱議
東張西望丨何伯何太金句逐句睇：
