星8卦｜「清秀」痴戀「導演」被趕出門口 錯愛「偽君子」被騙身家
紅顏都係薄命嘅多，話說人人都擔心「清秀」呢幾年嘅境況，你哋咪睇佢好似真係搵到些少，但佢好鍾意唔鍾意同「偽君子」撻着，副身家注定唔見大半。戲行女人書讀得唔多，無乜智慧揀男人，你擺個門靚啲，大部分女人都期望上岸從良。
好似同「導演」咁耐，「清秀」又紅又靚，不知幾多宅男粉絲，偏偏傾慕「導演」靚仔同有才華，任勞任怨喺佢身邊做妹仔。最後點分手？咪因為「導演」溝咗條自己喺街度發掘返嚟做新人嘅學生妹，你再好都唔夠青春無敵爭，情況淒涼到係俾「導演」執咗幾件行李趕出門口。
所以「偽君子」出現令「清秀」以為自己可以擺脫以前嘅命運，仲信對方係他鄉有名銜嘅富二代，總之棚搭得好靚。「偽君子」話自己有個投資項目賺梗，叫「清秀」瞓身支持，話將來啲老本夠厚，就唔使再拋頭露面。
結果無耐就有人入稟法院告「偽君子」呃錢，而且浮面嘅債務越揭越多。「清秀」即時去追錢，但連「偽君子」個人都唔見咗，啲錢仲邊度有得追。當人人以為「清秀」今次有個好人家照顧，殊不知連老本唔見咗一截，又點唔叫人擔心佢諗唔通呢！
相關文章：
星8卦｜「高瘦」被阿媽逼嫁入豪門 奶奶自出自入無私隱搞到情緒病
星8卦｜「霸姐」食盡小鮮肉想定落嚟 招惹「扮嘢」痴戀唔敢落疊
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
